الماتى مۇعالٸمدەرٸنٸڭ جالاقىسىن كٶتەرۋ ٷشٸن 30,8 ملرد تەڭگە بٶلٸندٸ, دەپ حابارلايدى "ۇلت اقپارات".
جالپى تٶرت جىل ٸشٸندە مۇعالٸمدەردٸڭ جالاقىسى ەكٸ ەسە ارتادى. بٸرٸنشٸ ٶسٸم 2020 جىلدىڭ 1 قاڭتارىندا بولدى. بۇل شارامەن مەكتەپ مۇعالٸمدەرٸ, بالاباقشا تەربيەشٸلەرٸ, كوللەدجدەر, قوسىمشا بٸلٸم بەرۋ جٷيەسٸ قامتىلدى.
2021 جىلدىڭ ناقتىلانعان بيۋدجەتٸ اياسىندا الماتى مۇعالٸمدەرٸنٸڭ جالاقىسىن 25% كٶتەرۋ ٷشٸن رەسپۋبليكالىق بيۋدجەتتەن 30,8 ملرد تەڭگە بٶلٸندٸ.
مەگاپوليستەگٸ مەملەكەتتٸك مەكەمەلەر – مەكتەپتەر مەن كوللەدجدەردە, بالاباقشالار مەن ينتەرناتتاردا, مەكتەپتەن تىس ۇيىمداردا 32 مىڭ پەداگوگ قىزمەتكەر جۇمىس ٸستەيدٸ.
بۇلاردان ٶزگە, سىنىپ جەتەكشٸلٸگٸ, دەپتەرلەردٸ تەكسەرۋ, پەداگوگيكالىق شەبەرلٸك, ماگيستر دەرەجەسٸ جەنە تەلٸمگەرلٸك ٷشٸن قوسىمشا اقىلار قاراستىرىلعان.
ايتا كەتەرلٸگٸ, بۇرىندارى ماگيستر دەرەجەسٸ جەنە تەلٸمگەرلٸك ٷشٸن قوسىمشا اقى تٶلەۋ بولماعان, بٸرٸنشٸ رەت ەنگٸزٸلٸپ وتىر.
ال بۇرىنننان بار سىنىپ جەتەكشٸلٸگٸ, دەپتەرلەردٸ تەكسەرۋدٸڭ قوسىمشا اقىسى ەكٸ ەسە ٶسۋدە.
ەسكە سالساق, الماتى ەكٸمدٸگٸ مۇعالٸمدەردٸڭ كەسٸبي جەتٸستٸكتەرٸن ىنتالاندىرۋ ٷشٸن قارجى بٶلۋدٸ قاراستىرعان ەدٸ.
وسىعان وراي, قالا ەكٸمٸ باقىتجان ساعىنتاەۆتىڭ ۇسىنىسى بويىنشا «ٷزدٸك پەداگوگ», «ٷزدٸك پەداگوگيكالىق ۇجىم» بايقاۋلارى جىل سايىن ٶتكٸزٸلٸپ كەلەدٸ.
