Kórneki foto: Pexels
Almaty metrosy jumysynda aqaý shyqty. "Metropoliten Almaty" MKK tańerteń qaladaǵy metronyń nelikten jumys istemegenin túsindirdi, - dep habarlaidy "Ult aqparat".
Aita keteiik, áleýmettik jelide metro mańyna jinalyp qalǵan adamdardyń videosy tarady.
«Tańǵy saǵat 7:30-da metro jumys istemedi, kóp adam jinaldy. Sebebin bilmeimin», - dep jazdy jeli qoldanýshysy.
"Metropoliten Almaty" MKK málimetinshe, 26 qańtarda tańerteń Raiymbek beketinde aqparattyq bailanys jelisiniń jumysynda aqaý tabylýyna bailanysty metro poiyzdary qolmen basqarý rejimine aýystyrylǵan.
"Osy oraida barlyq beketterde poiyzdardyń júris intervaly ýaqytsha uzardy. Bul metrodaǵy júrý qaýipsizdigine esh áser etken joq.
Mamandar jumys jasap, kóp uzamai úirenshikti interval qaita qalpyna keltirildi. Keltirilgen qolaisyzdyqtar úshin keshirim ótinemiz" - delingen habarlamada.
