كٶرنەكٸ فوتو: Pexels
الماتى مەتروسى جۇمىسىندا اقاۋ شىقتى. "مەتروپوليتەن الماتى" مكك تاڭەرتەڭ قالاداعى مەترونىڭ نەلٸكتەن جۇمىس ٸستەمەگەنٸن تٷسٸندٸردٸ, - دەپ حابارلايدى "ۇلت اقپارات".
ايتا كەتەيٸك, ەلەۋمەتتٸك جەلٸدە مەترو ماڭىنا جينالىپ قالعان ادامداردىڭ ۆيدەوسى تارادى.
«تاڭعى ساعات 7:30-دا مەترو جۇمىس ٸستەمەدٸ, كٶپ ادام جينالدى. سەبەبٸن بٸلمەيمٸن», - دەپ جازدى جەلٸ قولدانۋشىسى.
"مەتروپوليتەن الماتى" مكك مەلٸمەتٸنشە, 26 قاڭتاردا تاڭەرتەڭ رايىمبەك بەكەتٸندە اقپاراتتىق بايلانىس جەلٸسٸنٸڭ جۇمىسىندا اقاۋ تابىلۋىنا بايلانىستى مەترو پويىزدارى قولمەن باسقارۋ رەجيمٸنە اۋىستىرىلعان.
"وسى ورايدا بارلىق بەكەتتەردە پويىزداردىڭ جٷرٸس ينتەرۆالى ۋاقىتشا ۇزاردى. بۇل مەتروداعى جٷرۋ قاۋٸپسٸزدٸگٸنە ەش ەسەر ەتكەن جوق.
ماماندار جۇمىس جاساپ, كٶپ ۇزاماي ٷيرەنشٸكتٸ ينتەرۆال قايتا قالپىنا كەلتٸرٸلدٸ. كەلتٸرٸلگەن قولايسىزدىقتار ٷشٸن كەشٸرٸم ٶتٸنەمٸز" - دەلٸنگەن حابارلامادا.
