Almaty men Astana qalalaryndaǵy Halyqqa qyzmet kórsetý ortalyqtaryna kelýshilerdiń sany artyp jatyr, - dep habarlaidy "Ult aqparat" kaz.tengrinews.kz portalyna silteme jasap.
Portal tilshisi Almatydaǵy Bostandyq pen Áýezov aýdandaryndaǵy ortalyqtarǵa, sondai-aq Astanadaǵy Saryarqa aýdanynyń qyzmet kórsetý ortalyǵyna baryp qaitqan.
Kelýshilerdiń basym bóligi mekenjai anyqtamasyn beretin terminalǵa kezekte tur. Sondai-aq, qyzmet túrlerine túbirtek beretin anyqtamalyqtyń janynda da kezek baiqalady.
Qyzmet kórsetý ortalyǵyna kelýshilerdiń keibireýleri politseiler aiyppul salýy múmkin dep qaýiptenip, ýaqytsha tirkeýge turmaqshy eken. Olarǵa ýaqytsha tirkeýge turý úshin arnaiy blank beriledi. "Sol bir tirkeýge turý úshin kezekte turmyz, ýaqytsha ma, joq pa. Kassaǵa 200 teńgedei tóledik. Sosyn anyqtamany aldyq. Bul jai seniń bandit emes ekendigi kórsetetin tirkeý", - dedi kelýshilerdiń biri.
"Azamattarǵa arnalǵan úkimettiń" baspasóz qyzmetindegiler turǵyndardy tirkeý máselesimen kóshi-qon qyzmetiniń ainalysyp jatqanyn túsindirdi. "Azamattardy turǵylyqty jeri boiynsha tirkeýge qatysty máselemen HQKO-da jumys istep júrgen kóshi-qon politsiiasynyń qyzmetkerleri ainalysyp jatyr", - dedi baspasóz qyzmetindegiler.
Sondai-aq, almatylyq HQKO-lardyń qyzmetkerli mundai uzyn-sonar kezekti ádettegi merekelerden keiin bolatyn jaǵdai ekenin aityp ótti. Olardyń aitýynsha, munda turǵan eshteńe de joq.
Medeý aýdanyndaǵy HQKO-da da adamdardyń kezekte turǵanyn kórýge bolady. Olardyń kóbisi mekenjai anyqtamasyn beretin terminaldy kútip tur.
Astanadaǵy Saryarqa aýdandyq HQKO-da birneshe adam kezekte tur.
Eske sala keteiik, osyǵan deiin Ministrlik turǵylyqty jer boiynsha ýaqytsha tirkeýge qatysty suraqtarǵa jaýap bergen bolatyn. Vedomstvo málimetinshe, tirkeýden basqa qalaǵa kóshkende ǵana emes, bir eldi mekennen basqasyna kóshken ýaqytta da ótý kerek.
.jpeg)