Almatydaǵy "Almaty marafonynyń" 47 jastaǵy qatysýshysy Rústem Sadyqov máre syzyǵyn kesip ótkennen keiin qaitys boldy, - dep habarlaidy Tengrinews.kz agenttigi "Almaty marafony" saityna silteme jasap.
Márede kezekshilikte júrgen jarystyń bas dárigeri Orazbek Sahovtyń aitýynsha, qatysýshy Respýblika alańynda máre syzyǵyn kesip ótip, birneshe metr ótkennen keiin birden qulaǵan.
"Biz oǵan birden kómek kórsete bastadyq. Alǵashqy kómekti eriktiler kórsetti. Odan keiingi júrek-ókpe reanimatsiiasy qalalyq jedel járdem stansasynyń qyzmetkerlerimen birlesip júrgizildi. Bastapqyda júrek iske qosyldy, sinýs yrǵaǵy paida boldy, 2 minýttan keiin júrek ustamasy qaita bastaldy. Reanimatsiialyq sharalar 30 minýtqa sozyldy, onyń ishinde sońǵy 10 minýt jedel járdem kóliginde jasaldy. 10:15-te qatysýshy qaitys boldy. Resmi sebep sot-meditsinalyq saraptamadan keiin ǵana atalýy múmkin", - dedi Orazbek Sahov.
Marqumnyń jaqyndary ol júgirý sharasyna birinshi ret qatysyp otyrmaǵanyn aitady. Sáýir aiynda Almaty jartylai marafonynda, 2021 jyly Almaty marafonynda 10 shaqyrym qashyqtyqta júgirgen.
Jarysty uiymdastyrýshylar marqumnyń týystary men jaqyndaryna qaiǵyryp kóńil aitady. Rústem Astanadan jarysqa arnaiy kelgen, uiymdastyrýshylar onyń denesin óz qalasyna tasymaldaýǵa qarjylai kómek kórsetedi.
