Almaty mańynda bolǵan ushaq apatynan kóz jumǵandar sany 15 adamǵa jetti, dep habarlaidy "Ult aqparat".
"Oqiǵa ornynda 14 adam qaza tapty, taǵy bireýi aýrýhanada kóz jumdy", - dep málimdedi shuǵyl brifingte Almaty qoǵamdyq densaýlyq basqarmasynyń basshysy Tileýhan Ábildaev.
Búgin tańǵy jetide Almaty áýejaiynan Nur-Sultanǵa ushyp shyqqan Fokker 100 ushaǵy kóp uzamai radardan joǵalyp ketti. Ushaq Talǵar aýdanyndaǵy eldi mekenge qulaǵan. Lainer "Bek Eir" áýe kompaniiasyna tiesili.
Ushaq beton qorshaýyn buzyp, eki qabatty ǵimaratqa soǵylǵan. Shuǵyl túrde qutqarý jumystary bastaldy. Órt bolǵan joq.
Qazir oqiǵa ornynda qutqarýshylar, meditsinalyq qyzmetter, quqyq qorǵaý organdarynyń qyzmetkerleri jumys istep jatyr. Úkimet basshysy basqaratyn komissiia apat ornyna ushyp shyqty.
Apattan keiin Fokker 100 tiptegi ushaqtardy paidalanýǵa ýaqytsha tyiym salyndy.
