الماتى ماڭىندا بولعان ۇشاق اپاتىنان كٶز جۇمعاندار سانى 15 ادامعا جەتتٸ, دەپ حابارلايدى "ۇلت اقپارات".
"وقيعا ورنىندا 14 ادام قازا تاپتى, تاعى بٸرەۋٸ اۋرۋحانادا كٶز جۇمدى", - دەپ مەلٸمدەدٸ شۇعىل بريفينگتە الماتى قوعامدىق دەنساۋلىق باسقارماسىنىڭ باسشىسى تٸلەۋحان ەبٸلداەۆ.
بٷگٸن تاڭعى جەتٸدە الماتى ەۋەجايىنان نۇر-سۇلتانعا ۇشىپ شىققان Fokker 100 ۇشاعى كٶپ ۇزاماي راداردان جوعالىپ كەتتٸ. ۇشاق تالعار اۋدانىنداعى ەلدٸ مەكەنگە قۇلاعان. لاينەر "بەك ەير" ەۋە كومپانيياسىنا تيەسٸلٸ.
ۇشاق بەتون قورشاۋىن بۇزىپ, ەكٸ قاباتتى عيماراتقا سوعىلعان. شۇعىل تٷردە قۇتقارۋ جۇمىستارى باستالدى. ٶرت بولعان جوق.
قازٸر وقيعا ورنىندا قۇتقارۋشىلار, مەديتسينالىق قىزمەتتەر, قۇقىق قورعاۋ ورگاندارىنىڭ قىزمەتكەرلەرٸ جۇمىس ٸستەپ جاتىر. ٷكٸمەت باسشىسى باسقاراتىن كوميسسييا اپات ورنىنا ۇشىپ شىقتى.
اپاتتان كەيٸن Fokker 100 تيپتەگٸ ۇشاقتاردى پايدالانۋعا ۋاقىتشا تىيىم سالىندى.
