Foto: instagram.com/kris.p.almaty.official
Almaty-Jandosova tasjolynda tejegishi isten shyqqan jolaýshylar avtobýsy toǵyz kólikpen soqtyǵysty, - dep habarlaidy Tengrinews.kz.
Kýágerlerdiń aitýynsha, Joǵarǵy Qaskeleń tasjolynda jol apaty bolǵan. Olar avtobýs birneshe kólikke soǵylǵanyn aitty.
Almaty oblysy politsiiasynyń baspasóz qyzmeti málimetinshe, 6 sáýirde saǵat 11:30-da Qarasai aýdanynda jol-kólik oqiǵasy bolǵan.
"Almaty-Jandosova tasjolynda LiAZ avtobýsynyń 35 jastaǵy júrgizýshisi tejegish isten shyǵyp, jolda kele jatqan toǵyz kólikpen soqtyǵysqan (Toyota Camry, Nissan Patrol, Toyota Gracia, Kia Rio, Subaru Legacy, Toyota Carina, traktor jáne eki Mercedes-Benz)", - dedi politsiia ókili.
Politsiia málimetinshe, apattan birneshe adam, sonyń ishinde jolaýshylar men júrgizýshi zardap shekken. Olar meditsinalyq tekserýden ótý úshin Qaskeleń aýrýhanasyna jetkizilgen. Oqiǵa ornynda patrýldik politsiia men tergeýshiler jumys istep jatyr.
