Almaty mańynda ushaq soǵylǵan úi zańsyz salynǵan. Talǵar aýdany ákiminiń baspasóz qyzmeti bergen resmi málimetke sáikes, birinshiden ol jer ýchaskesine úi salýǵa múldem bolmaidy, ekinshiden úidiń qojaiyndary ǵimarat jobasyn ákimdikpen kelispegen, tanystyrmaǵan, dep habarlaidy "Ult aqparat".
«Talǵar aýdanynyń sáýlet jáne qala qurylysy bólimimen bul úige sáýlet-josparlaý tapsyrmasy berilmegen, joba kelisilmegen jáne salynǵan obektini paidalanýǵa qabyldaý aktisi tirkelmegen. Ǵimarat óz betimen salynǵan qurylys. Úi eldi meken sheginde ornalasqan, alaida jer ýchaskesi sýarmaly jer bolǵan. Jer kodeksine sáikes munda turǵyn úi salýǵa jol berilmeidi», - delingen atalǵan vedomstvonyń resmi málimetinde.
Sondai-aq, jeke qurylys salý zańdylyǵyn zerdeleý úshin qurylǵan jumys toby áli óz jumysyn aiaqtaǵan joq. Talǵar aýdany ákiminiń baspasóz qyzmetiniń habarlaýynsha, sol komissiia tolyq sheshim shyǵarady.
Esterińizge sala keteiik, 27-shi jeltoqsan kúni Almaty mańynda «BekAir» áýe kompaniiasynyń ushaǵy apatqa ushyrady. Áýe kemesinde 93 jolaýshy men 5 ekipaj múshesi bolǵan. 12 adam qaza boldy. Apatqa ushyraǵan ushaq Almatydan Nur-Sultan qalasyna baǵyt alǵan.
