Almaty oblysynda jol apatynan erli-zaiypty kóz jumdy. Olardyń kishkentai balasy men taǵy eki adam aýyr halde aýrýhanaǵa jetkizildi, dep habarlaidy Sputnik Qazaqstan.
Áleýmettik jelide Volvo jol talǵamaityn kóligi men Mercedes Benz kóliginiń soqtyǵysqany týraly aqparat tarap jatyr. Avtor qatty soqqydan eki kóliktiń de búktetilip qalǵanyn habarlady. Sondai-aq apattan qaza bolǵan áieldiń egiz balaǵa júkti bolǵany aitylǵan.
Fakt 6 shildege qaraǵan túni Ile aýdany aýmaǵynda tirkelgeni belgili boldy.
Óńir politsiiasy kólikter Baiserke-Qaraoi tasjolynyń 26-shy shaqyrymynda soqtyǵysqanyn naqtylady. Aldyn ala málimet boiynsha jol apatyna qarsy jolaqqa shyǵyp ketken 32 jastaǵy Volvo júrgizýshisi kináli.
"Mercedes Benz salonynda bolǵan er adam men áiel qaza tapty. Sondai-aq jaraqat alǵan úsh adam, onyń ishinde 4 jasar qyz aýrýhanaǵa jetkizildi", - dep habarlady Almaty oblysy politsiia departamentiniń baspasóz qyzmeti.
Vedomstvo bul fakt boiynsha qajetti saraptamalar taǵaiyndalyp, qylmystyq is qozǵalǵanyn atap ótti.
