الماتى وبلىسىندا جول اپاتىنان ەرلٸ-زايىپتى كٶز جۇمدى. ولاردىڭ كٸشكەنتاي بالاسى مەن تاعى ەكٸ ادام اۋىر حالدە اۋرۋحاناعا جەتكٸزٸلدٸ, دەپ حابارلايدى Sputnik قازاقستان.
ەلەۋمەتتٸك جەلٸدە Volvo جول تالعامايتىن كٶلٸگٸ مەن Mercedes Benz كٶلٸگٸنٸڭ سوقتىعىسقانى تۋرالى اقپارات تاراپ جاتىر. اۆتور قاتتى سوققىدان ەكٸ كٶلٸكتٸڭ دە بٷكتەتٸلٸپ قالعانىن حابارلادى. سونداي-اق اپاتتان قازا بولعان ەيەلدٸڭ ەگٸز بالاعا جٷكتٸ بولعانى ايتىلعان.
فاكت 6 شٸلدەگە قاراعان تٷنٸ ٸلە اۋدانى اۋماعىندا تٸركەلگەنٸ بەلگٸلٸ بولدى.
ٶڭٸر پوليتسيياسى كٶلٸكتەر بايسەركە-قاراوي تاسجولىنىڭ 26-شى شاقىرىمىندا سوقتىعىسقانىن ناقتىلادى. الدىن الا مەلٸمەت بويىنشا جول اپاتىنا قارسى جولاققا شىعىپ كەتكەن 32 جاستاعى Volvo جٷرگٸزۋشٸسٸ كٸنەلٸ.
"Mercedes Benz سالونىندا بولعان ەر ادام مەن ەيەل قازا تاپتى. سونداي-اق جاراقات العان ٷش ادام, ونىڭ ٸشٸندە 4 جاسار قىز اۋرۋحاناعا جەتكٸزٸلدٸ", - دەپ حابارلادى الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸ.
ۆەدومستۆو بۇل فاكت بويىنشا قاجەتتٸ ساراپتامالار تاعايىندالىپ, قىلمىستىق ٸس قوزعالعانىن اتاپ ٶتتٸ.
