Almaty mańynda tapatal túste avtobýs júrgizýshisine qaraqshylyq shabýyl jasaldy. Politsiia oqiǵaǵa qatysty tergeý júrgizip jatyr, dep habarlaidy "Ult aqparat".,,,
Áleýmettik jelilerde № 220 marshrýtynyń júrgizýshisin kúndiz 150 teńge úshin soqqyǵa jyqqandyǵy týraly video paida boldy.
Shabýyl 20 jeltoqsan kúni Jetigen temirjol stantsiiasynda oryn alǵan. Sonymen qatar, beinejazbada júrgizýshini uryp-soǵyp, qabyrǵasyn syndyryp, barlyq aqshany alyp ketkeni aitylǵan.
Almaty oblysy Politsiia departamentiniń baspasóz qyzmeti avtobýs júrgizýshisine jasalǵan shabýyl týraly quqyq qorǵaý organdaryna eshqandai shaǵym túspegenin habarlady. Oqiǵa áleýmettik jelilerdi baqylaý kezinde anyqtaldy.
«Qazirgi ýaqytta buzaqylyq faktisi boiynsha sotqa deiingi tergeý amaldary júrgizilýde, oqiǵanyń qatysýshylary men kýágerleri anyqtalyp jatyr. Tiisti saraptamalar taǵaiyndaldy. Tergeý nátijeleri boiynsha protsessýaldyq sheshim qabyldanady «, - dep túsindirdi politsiia.
