Almaty avtoparki jańa manevrli evakýatorlarmen tolyqty, - dep habarlaidy "Ult aqparat" qala ákimdiginiń ókilderine silteme jasap.
Almaty ákimi Baýyrjan Baibek jumys sapary barysynda qalanyń qutqarý qyzmetiniń avtoparkin tolyqtyrǵan Ssang Young markili jańa manevrli evakýatorlardy qarap shyqty. Barlyǵy 10 arnaiy mashina alynǵan, bular Evro-6 ekologiialyq synypqa sai. Buryndary Qutqarý qyzmetiniń balansynda Kamaz jáne Mazdarǵa kólikti tolyq tieitin 20 evakýator bolǵan.
"Arnaiy tehnikanyń ózindik erekshelikteri bar, olar túrli baǵytqa yńǵaily, janarmaidy az jumsaidy, aýlalarda, tar kóshelerde, kópir astynda jumys istei beredi. Evakýator 90 gradýstyq buryshta kólik tieidi jáne oǵan nebári 2 minýt ketedi", - deidi ákimdik ókilderi.
Bul arnaiy tehnika aýlalarda órt bolǵanda kólikti evakýtsiialaý ýaqytyn qysqartýǵa, apatty kólikterdi magistraldi kóshelerden, qar tazartý kezinde qalǵan avtomobilderdi tez arada alyp ketýge, turaqqa durys qoiylmaǵan kólikti tieý jumysyn jeńildetýge múmkindik beredi. IID-niń ÁPB-men birge jedel-profilaktikalyq sharalardy barynsha tyǵyz bailanysta júrgizedi. Ótken jyly qala biýdjeti esebinen IID úshin 34 evakýator alynǵany atalyp ótildi.
Aita keteiik, jańa evakýatorlar túsirilgen video munyń aldynda áleýmettik jelide taraǵan bolatyn.
