Almaty qalalyq Qoǵamdyq densaýlyq basqarmasy prokýratýra atalmysh vedomstvoda tergeýdi ne úshin bastaǵanyn málim etti, dep habarlaidy "Ult aqparat".
«BAQ-ta «Almaty Qoǵamdyq densaýlyq basqarmasynda tekserý júrip jatyr: qylmystyq is qozǵaldy» degen jariialanymǵa qatysty Almaty qalalyq Qoǵamdyq densaýlyq saqtaý basqarmasy kelesine habarlaidy:
Sotqa deiingi tergeý – jetkizýshige qatysty bastaldy. Oǵan negiz – talaptarǵa sai kelmeitin jeke qorǵanys quraldary jetkizildi degen kúdiktiń bolýy. Osyǵan bailanysty, Almaty prokýratýrasynyń arnaiy prokýrorlar basqarmasy isti qarap jatyr.
Jeke qorǵanys quraldarynyń jetkizilgen partiiasyn tekserýdi Qoǵamdyq densaýlyq basqarmasynyń jáne qalalyq prokýratýranyń qyzmetkerleri birlesip júrgizgenin atap ótken jón. Sapasyz taýarlardy jetkizýdiń yqtimal faktilerin boldyrmaý úshin quqyq qorǵaý organdaryn tartý tájiribesi bolashaqta da qoldanylatyn bolady. Qazirgi ýaqytta tergeý sharalary jalǵasýda», - delingen Qoǵamdyq densaýlyq basqarmasynyń resmi akkaýntynda.
Sondai-aq málim etilgendei, Qoǵamdyq densaýlyq basqarmasy shtattyq rejimde jumysyn jalǵastyrýda. Quqyq qorǵaý organdarynyń mekeme jumysyna jáne onyń qyzmetkerlerine qoiar talaby joq.
