Almaty kardioortalyǵynda 22 patsient koronavirýs juqtyrǵan. Bul týraly qalanyń bas sanitarlyq dárigeri Jandarbek Bekshin aitty, dep habarlaidy "Ult aqparat".
Onyń aitýynsha, ortalyqta 15 infektsiialyq tósek oryn jaiǵastyrylǵan.
«Sebebi, infrakt alǵan naýqas pen qan qysymy joǵary naýqas negizgi diagnozyna qatysty aýrýhanada emdelýi tiis. 1 jeltoqsanda provizorlyq ortalyqta bir adamda virýs anyqtaldy. Biz profilaktikalyq tekserý júrgizdik. Nátijesinde 22 adamnan oń test nátijesi shyqty. Sondyqtan, bólimshe palatalarynda infektsiia ary taralmas úshin dezinfektsiialyq óńdeý jasaldy», - dedi Bekshin.
Onyń aitýynsha, bul sharalar aýrýdy aýyzdyqtaýǵa septigin tigizbek.
Sonymen qatar, koronavirýs kardioortalyqtyń 2 qyzmetkerinen tabyldy. Olar ýaqytynda oqshaýlanǵan.
