الماتى كارديوورتالىعىندا 22 پاتسيەنت كوروناۆيرۋس جۇقتىرعان. بۇل تۋرالى قالانىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
ونىڭ ايتۋىنشا, ورتالىقتا 15 ينفەكتسييالىق تٶسەك ورىن جايعاستىرىلعان.
«سەبەبٸ, ينفراكت العان ناۋقاس پەن قان قىسىمى جوعارى ناۋقاس نەگٸزگٸ دياگنوزىنا قاتىستى اۋرۋحانادا ەمدەلۋٸ تيٸس. 1 جەلتوقساندا پروۆيزورلىق ورتالىقتا بٸر ادامدا ۆيرۋس انىقتالدى. بٸز پروفيلاكتيكالىق تەكسەرۋ جٷرگٸزدٸك. نەتيجەسٸندە 22 ادامنان وڭ تەست نەتيجەسٸ شىقتى. سوندىقتان, بٶلٸمشە پالاتالارىندا ينفەكتسييا ارى تارالماس ٷشٸن دەزينفەكتسييالىق ٶڭدەۋ جاسالدى», - دەدٸ بەكشين.
ونىڭ ايتۋىنشا, بۇل شارالار اۋرۋدى اۋىزدىقتاۋعا سەپتٸگٸن تيگٸزبەك.
سونىمەن قاتار, كوروناۆيرۋس كارديوورتالىقتىڭ 2 قىزمەتكەرٸنەن تابىلدى. ولار ۋاقىتىندا وقشاۋلانعان.
