Almaty qalalyq sotynyń tóraǵasy Aqjan Eshtai óziniń jáne qolastyndaǵylarynyń jalaqy somasyn jariia etti, - dep habarlaidy kaz.tengrinews.kz.
"Bir kezderi barlyq jerde sýdialardyń jalaqy somasynyń joǵary ekendigi jazyldy, jaqynda men osy suraqty Joǵarǵy sot keńesiniń tóraǵasyna, Joǵarǵy sottyń sýdiasyna qoidym. Jinalysta men bylai dedim: Depýtattardyń jalaqysyn kóteredi eken, bizge de sondai jaqsy jańalyq bar ma eken?" Ol kúldi. Bizge sońǵy ret, jalpy barlyq memqyzmetkerlerge alty jyl buryn jalaqymyzdy ósirgen. Men qalalyq sottyń tóraǵasy retinde, sýdia retinde, sot júiesinde 30 jyl jumys istegen adam retinde, qolyma 373 myń teńge alatynymdy jariialaimyn. Munyń barlyǵy eńbek ótiline bailanysty. Aýdandyq sýdialar qansha alady? 220 myń teńge alady", - dedi Aqjan Eshtai stýdentterdiń suraǵyna jaýap bere otyryp.
Almaty qalasynyń bas sýdiasynyń aitýynsha, taǵylymger sýdia jalaqysynyń 70 paiyzyn alady, al qalalyq sotta isteitin hatshy 80 myń teńge, aýdandyq - 70 myń teńge.
Aqjan Eshtai sýdialardyń jalaqysy ne kóp emes, ne az emes dep oilaidy, alaida damyǵan eldermen salystyratyn bolsa, bizdiń elde tym az eken. Biraq kórshiles eldermen salystyrǵanda shamalas bolyp keledi.
