الماتى قالالىق سوتىنىڭ تٶراعاسى اقجان ەشتاي ٶزٸنٸڭ جەنە قولاستىنداعىلارىنىڭ جالاقى سوماسىن جارييا ەتتٸ, - دەپ حابارلايدى kaz.tengrinews.kz.
"بٸر كەزدەرٸ بارلىق جەردە سۋديالاردىڭ جالاقى سوماسىنىڭ جوعارى ەكەندٸگٸ جازىلدى, جاقىندا مەن وسى سۇراقتى جوعارعى سوت كەڭەسٸنٸڭ تٶراعاسىنا, جوعارعى سوتتىڭ سۋدياسىنا قويدىم. جينالىستا مەن بىلاي دەدٸم: دەپۋتاتتاردىڭ جالاقىسىن كٶتەرەدٸ ەكەن, بٸزگە دە سونداي جاقسى جاڭالىق بار ما ەكەن?" ول كٷلدٸ. بٸزگە سوڭعى رەت, جالپى بارلىق مەمقىزمەتكەرلەرگە التى جىل بۇرىن جالاقىمىزدى ٶسٸرگەن. مەن قالالىق سوتتىڭ تٶراعاسى رەتٸندە, سۋديا رەتٸندە, سوت جٷيەسٸندە 30 جىل جۇمىس ٸستەگەن ادام رەتٸندە, قولىما 373 مىڭ تەڭگە الاتىنىمدى جارييالايمىن. مۇنىڭ بارلىعى ەڭبەك ٶتٸلٸنە بايلانىستى. اۋداندىق سۋديالار قانشا الادى? 220 مىڭ تەڭگە الادى", - دەدٸ اقجان ەشتاي ستۋدەنتتەردٸڭ سۇراعىنا جاۋاپ بەرە وتىرىپ.
الماتى قالاسىنىڭ باس سۋدياسىنىڭ ايتۋىنشا, تاعىلىمگەر سۋديا جالاقىسىنىڭ 70 پايىزىن الادى, ال قالالىق سوتتا ٸستەيتٸن حاتشى 80 مىڭ تەڭگە, اۋداندىق - 70 مىڭ تەڭگە.
اقجان ەشتاي سۋديالاردىڭ جالاقىسى نە كٶپ ەمەس, نە از ەمەس دەپ ويلايدى, الايدا دامىعان ەلدەرمەن سالىستىراتىن بولسا, بٸزدٸڭ ەلدە تىم از ەكەن. بٸراق كٶرشٸلەس ەلدەرمەن سالىستىرعاندا شامالاس بولىپ كەلەدٸ.
