Illiýstratsiia: elements.envato.com
Almaty qalasynyń prokýratýrasy qalanyń kóshesin jaryqtandyrýdy qamtamasyz etetin "Almaty Qala Jaryq" ShJQ smetalyq qunynan úsh ese arzanǵa qalai satylǵanyn aitty, - dep habarlaidy Tengrinews.kz.
Qadaǵalaý organy qala kóshelerin jaryqtandyrýmen ainalysatyn "Almaty qala jaryq" seriktestiginiń jeke qolǵa ótýiniń zańdylyǵyn zerttedi. Ótken jyldyń 25 qazanynda qalalyq ákimdik "Almaty qala jaryq" kásipornyn jekeshelendirýge berý týraly sheshim qabyldaǵany habarlanǵan. Osydan keiin 8 qarashada Memlekettik aktivter departamentinde alǵashqy aýktsion jariialanǵan. Kásiporynnyń bastapqy baǵasy baǵalaý boiynsha 14 milliard 835 million teńge bolyp belgilengen.
"Qatysýǵa ótinimder bolmaǵandyqtan eki ret saýda-sattyq ótpedi dep tanyldy. 28 jeltoqsandaǵy úshinshi saýda-sattyqtyń qorytyndysy boiynsha ABMGroup.com jeńimpaz dep tanyldy. Onyń baǵa usynysy 4 milliard 660 million teńge boldy", - dep málimdedi Almaty prokýratýrasynda.
Bul aýktsiondaǵy jalǵyz usynys bolǵany aityldy. Sondyqtan jeńimpazben keiinnen satyp alý-satý sharty jasalǵan.
"Taýar naryǵy básekelestiginiń jai-kúiin taldaý barysynda Almaty qalasy boiynsha Básekelestikti qorǵaý jáne damytý departamenti «Memlekettik múlik týraly» Qazaqstan Respýblikasy Zańynyń normalaryn, Jekeshelendirý obektilerin satý erejelerin jáne Almaty qalasy ákimdiginiń áreketterinde Kásipkerlik kodeksin buzýshylyqtardy anyqtady. Osyǵan bailanysty, qala prokýratýrasynyń zańdylyqty buzýshylyqty joiý týraly usynýy jáne joǵaryda atalǵan Departamenttiń habarlamasy negizinde ákimdik Almaty qalasynyń mamandandyrylǵan aýdanaralyq ekonomikalyq sotyna "Almaty Qala Jaryq" ShJQ MKK satý boiynsha satyp alý-satý shartyn buzý jáne jaramsyz dep taný týraly talap aryz berdi", - dep tolyqtyrdy prokýratýra.
"Almaty qala jaryq" memlekettik kásiporynnyń nelikten úsh ese arzanǵa jekeshelendirilgenin túsindirdi. Kompaniia gosreestr.kz elektrondy platformasynyń erejeleri ekinshi jáne úshinshi aýktsiondar kezinde bastapqy smetalyq qunyn 50 paiyzǵa tómendetýge múmkindik beretinin aitty.
"Nysan birinshi konkýrsqa shyǵarylǵan kezde bastapqy baǵaǵa teń bolady. Ekinshi jáne úshinshi konkýrsqa qoiylǵan kezde bastapqy baǵa burynǵy tenderdiń bastapqy baǵasynan 50 paiyzǵa tómendeidi. Sondyqtan, birinshi aýktsionda bastapqy baǵa 14 milliard 835 million teńge bolyp belgilense, ekinshi aýktsionda bastapqy baǵa 7 milliard 417 million teńge, úshinshide 3 milliard 708 million teńge boldy.
Usynylǵan 4 milliardd 660 million teńgemen ABM Group.Com jeńimpaz atandy, bul bastapqy baǵadan 951 million teńgege artyq", - dedi "Almaty qala jaryq".
