Almatyda sheteldik qarjygerler men investorlardyń qatysýymen Almaty investitsiialyq forýmy bastaldy. Atalǵan forýmnyń basty mindeti – biznesti damytýdy yntalandyrý, sheteldik investorlardy tartý jáne jańa jumys oryndaryn qurý, – dep habarlaidy Baq.kz agenttigi.
Almatyǵa eleýli kúsh salsańyzdar, qalanyń jetistigi sizderdiń jetistikterińizge ainalady. Bul týraly Baqytjan Saǵyntaev Almaty invest forýmy barysynda aitty.
Jiyn barysynda ol qazir Almaty investitsiia salatyn ári keremet josparlardy iske asyratyn eń qolaily ýaqyt ekenin aityp ótti.
«Bir sózben aitsam, qazir Almatyǵa eleýli kúsh salsańyzdar, qalanyń jetistigi sizderdiń jetistikterińizge ainalady. Qazir Almatynyń aldaǵy 30 jyldyq damý strategiiasy jasalyp jatqan kez. Jaqynda ǵana "Almaty-2050" damý strategiiasy jasaldy. Basty mindet álemdegi ómir sapasy joǵary ári biznes múmkindigi jaqsy top-100 qalasynyń qataryna kirý» dedi ákim.
Sonymen qatar, ol jetekshi qalalar qatarynan tabylý úshin myqty ekonomikalyq negiz bolý qajettigin, qala ekonomikasy jylyna joq degende 5% ósip otyrý kerektigin aitty.
«Mundai ósimdi qamtamasyz etý úshin biz qala ekonomikasynyń qurylymyna tereńdetilgen reforma jasap jatyrmyz. Iaǵni ekonomikanyń jańa salalaryna basymdyq berilýde. Bul investitsiia quiatyn jańa baǵyttardy ashýda. "Almaty-2050" startegiiasyn jasaýda álemdegi jetekshi qalalardyń tájiribesin zerdelep kórdik. Dúniejúzindegi keibir qalalar nelikten aldyǵy shyǵyp dami túsedi, al keibiri kenjelep qalady? Meni San-Fransisko qalasynyń júrip ótken joly qyzyqtyrdy. Bul qalada adam ómiri úshin qolaily klimat bar, AQSh boiynsha eń úzdik biznes ahýal qalyptasqan» dedi ol.
Sóz arasynda ol osyndai úlken sharanyń aldynda qalany appaq qardyń basqany jaqsylyqtyń nyshany dep biletindigin jetkizdi.
«Almatynyń eń kórikti jerleriniń biri taýly kýrorttyq Shymbulaq pen Medeý muz aidyny bolyp keledi. Qazir ol jerlerdi qar basyp, ádemi bolyp tur. Qurmetti qonaqtar, sizderdi sol jerge shańǵy tebýge shaqyramyn, iaǵni qalamyzdy ǵana emes, tabiǵatymyzdy da tamashalap qaitýǵa bolady» dedi Baqytjan Saǵyntaev.
Aita keteiik, jyl saiyn Forým óz alańynda bedeldi saiasatkerlerdi, álemdik jáne otandyq biznes kóshbasshylaryn, investitsiialyq korporatsiialardy, qarjy institýttary men halyqaralyq uiymdardyń basshylaryn qosa alǵanda, 500-ge jýyq joǵary laýazymdy qatysýshylardy jinaidy.
