Jelilerde Almaty dárihanalarynda qyzýdy tómendetetin dáriler satylymnan alynýda degen feik aqparat tarap jatyr, dep habarlaidy «Ult aqparat» stopfake.kz saityna silteme jasap.
What‘sApp messendjerinde qyzýdy tómendetetin dáriniń 10 qaptamasyn birden alýǵa úndeitin aýdiohabarlama taralýda. Avtordyń aitýynsha, adamdardy COVID-19-ǵa qarsy vaktsinatsiialaýǵa májbúr etý úshin Almaty men Almaty oblysynyń dárihanalarynan birqatar dári-dármekti satylymnan alyp tastaý týraly «joǵarydan buiryq kelip túsken». Bul jalǵan.
QR Densaýlyq saqtaý ministrligi bul aqparatty joqqa shyǵardy. Vedomstvonyń habarlaýynsha, dárihanalar men aýrýhanalarda birqatar dári-dármektiń, sonyń ishinde virýsqa qarsy jáne qyzýdy tómendetetin preparattardyń bolýy apta saiyn tekseriledi.
«Búgingi tańda koronavirýstyq infektsiiany emdeýge qajetti preparattar qalanyń barlyq dárihanalarynda bar. Qamtamasyz etý shamamen 90%-dy quraidy. Dárihana qoimalarynda 1 millionnan astam (1 037 myń) qajetti preparat bar. Sonymen qatar, naryqty qanyqtyrý úshin turaqtandyrý qorynyń qarajaty esebinen qalanyń dárihanalaryna dárilik preparattardy jetkizý jalǵasýda, búginde ol Almaty úshin shamamen 5 mlrd teńgeni quraidy. Qazirgi kezde Almatyǵa ákelýge josparlanǵan 40,1 mln dárilik zattar men meditsinalyq maqsattaǵy buiymdardyń 47,2 mln (118%) ákelindi. 23,4 mln teńgeniń preparattary satyldy. Quny 23,8 mln teńgelik dári qolda bar, onyń ishinde tómendetilmeitin qaldyq 8 mln quraidy. Osylaisha, qalada eki ailyq beriktik qory qalyptastyryldy», – dep habarlady ministrliktiń baspasóz qyzmetinen.
Sondai-aq Almaty qalasynyń jáne oblystyq dárihanalarda meditsinalyq maskalar men termometrler jetkilikti.
Sonymen qatar, vedomstvo búgingi tańda dári-dármek pen jeke qorǵanys quraldaryna joǵary suranys joq ekenin atap ótti.
