Almaty dárihanalaryna túsetin áleýmettik mańyzy bar dárilerdiń kólemi qysqarǵan joq, dep habarlaidy "Ult aqparat".
Qalany dári-dármekpen jabdyqtaýdy qamtamasyz etý maqsatynda Almaty qalasynyń statsionarlaryna, emhanalary men dárihanalaryna apta saiyn monitoring júrgizilip turady.
Búgingi kúni, koronavirýs infektsiiasyn emdeitin preparattar jetkilikti. Shamamen 90%-dy quraidy.
«Dári-dármek quraldaryn satýdan alyp tastaý týraly eshqandai nusqaý bolǵan joq jáne bolýy múmkin emes. Sebebi dárihanalar biznestiń táýelsiz sýbektisi. Budan basqa, qala ákimdigi dárihanany áleýmettik mańyzy bar dári-dármek pen meditsinalyq maqsattaǵy buiymdarmen tolyqtyrý boiynsha barlyq qajetti sharalardy qabyldady», – dedi Almaty qalalyq kásipkerlik jáne investitsiialar basqarmasynyń basshysy Erkebulan Orazalin.
Qala dárihanalaryna dári-dármek preparattaryn jetkizý turaqtandyrý qory qarajattarynyń esebinen júzege asyrylady. Qazirgi ýaqytta, josparlanǵan 40,1 mln dári-dármek pen meditsinalyq maqsattaǵy buiymdardyń 47,2 mln (118%) jetkizildi. 23,4 mln satyldy, qoldaǵy bary 23,8 mln.
Osylaisha, qala dárihanalarynda meditsinalyq preparattyń eki ailyq qory qalyptastyryldy.
