Almaty dárigerleri Prezident Qasym-Jomart Toqaevqa Joldaýda aitylǵan meditsina qyzmetkerlerin qoldaý sharalary úshin alǵys bildirdi, dep habarlaidy QazAqparat.
Búgin Memleket basshysy Q.Toqaev Qazaqstan halqyna jyl saiynǵy Joldaýyn arnady. Joldaýda densaýlyq saqtaý júiesin damytýǵa jáne meditsina qyzmetkerlerin qoldaý sharalaryna erekshe kóńil bólindi.
Atap aitqanda, Prezident meditsina mamandaryna ústemeaqy tóleýge 150 mlrd teńge bólýdi tapsyrdy. Osyǵan bailanysty Almatynyń meditsina qyzmetkerleri Q.Toqaevqa kórsetken qoldaýy úshin alǵys bildirdi.
№4 qalalyq emhanasynyń klinikalyq farmakology Áigerim Toqtybaeva Óńirlik kommýnikatsiialar qyzmeti alańynda ótken onlain suhbat barysynda aitylǵan bastamalarǵa alǵys bildirdi.
«Qasym-Jomart Kemelulynyń búgingi Joldaýy týraly aitqym keledi. Prezident elimizdiń meditsina qyzmetkerlerine ekinshi jartyjyldyqta yntalandyrý ústemeaqylaryn berý úshin 150 mlrd teńge bólýdi tapsyrdy. Barlyq meditsina qyzmetkerleriniń atynan Prezidentke osyndai úlken kómek úshin úlken alǵysymdy bildirgim keledi. Pandemiia kezinde jumys istegen árbir meditsina mamany óz ómirin qaterge tikti, al búgingi Joldaý bizge úlken qýanysh syilady», — dep atap ótti Áigerim Toqtybaeva.
