Almatyda jergilikti biýdjetten meditsina qyzmetkerleriniń biliktiligin arttyrýǵa 60% -dan astam qarjy bólindi. Bul týraly Almaty qalasynyń óńirlik kommýnikatsiialar qyzmeti alańynda ótken onlain-suhbat barysynda Joǵary meditsinalyq kolledjdiń direktory Svetlana Sultanǵazieva aityp berdi, dep habarlaidy QazAqparat.
Joǵary meditsinalyq kolledj Almaty qalasynyń praktikalyq densaýlyq saqtaý mamandaryn diplomnan keiingi daiarlaýmen ainalysady. Kolledj quramynda densaýlyq saqtaý salasynda qosymsha bilim berý baǵdarlamalaryn iske asyratyn oqý-ádistemelik ortalyq bar.
Meditsina mamandarynyń biliktiligin arttyrý 3 túrli jolmen júzege asady:
- beiini boiynsha jetekshi otandyq mamandardy tarta otyryp, el ishinde meditsina kadrlarynyń biliktiligin arttyrýdy uiymdastyrý;
- Almaty qalasyna sheteldik jetekshi mamandardy tartý jáne seminar-treningter (master-klastar) ótkizý arqyly meditsina kadrlarynyń biliktiligin arttyrýdy uiymdastyrý);
- sheteldik bilim berý uiymdaryna nemese klinikalyq ortalyqtarǵa jiberý arqyly mamandardyń biliktiligin arttyrýdy uiymdastyrý.
Oqý ádistemelik ortalyǵynda simýliatsiialyq ortalyq (17 maneken men fantom, onyń 4-ýi kompiýterlendirilgen), ana men balany qorǵaý ortalyǵy jáne qosymsha bilim berý bólimi jumys isteidi.
Oqytý ana men balany qorǵaý, qabyldaý bólimshesiniń jumysyn uiymdastyrý, shuǵyl meditsinalyq kómek kórsetý (halyqaralyq standarttar: BLS, ACLS, PALS, PHTLS), Epidemiologiia, klinika boiynsha júredi.
Endi bul baǵyttarǵa COVID-19 profilaktikasy, COVID-19-ǵa kúdikti naýqastarmen qaýipsiz jumys salasy qosylyp jatyr.
«Biyl KVI (Koronavirýstyq infektsiianyń) diagnostikasy jáne emdeý, jańa infektsiialyq klinikalarda jumys isteý úshin meditsina qyzmetkerlerin daiarlaý boiynsha taqyryptar basym boldy. Osy ózekti taqyrypqa sheteldik (Izrail, Germaniia, Resei, Ispaniia, Angliia, Koreia jáne t.b.) jáne otandyq mamandardy tarta otyryp, biliktilikti arttyrýdyń 40-tan astam tsikly ótkizildi. KVI (Koronavirýstyq infektsiianyń) taqyryby boiynsha tájiribelik densaýlyq saqtaýdyń 3 myńnan astam qyzmetkeri oqytyldy. Basqa tsikldarda 4,5 myńǵa jýyq maman oqytyldy», - dedi spiker.
Svetlana Sultanǵazivanyń aitýynsha, jyldan jylǵa dárigerler men orta meditsina qyzmetkerlerin diplomnan keiingi daiarlaýǵa jergilikti biýdjetten qarjylandyrý ósip kele jatyr.
Ótken jyldarmen salystyrǵanda 2020 jyly Almaty qalasynyń meditsina qyzmetkerleriniń biliktiligin arttyrýǵa jergilikti biýdjetten 60%-dan astam qarjy bólindi.
«2020-2021 oqý jyldarynda bizdiń kolledjde oqý úshin 325 grant bólindi, al aldyńǵy jyldary grant sany 225-ten aspaǵan. Munyń bári Almaty qalasy ákimdiginiń jergilikti atqarýshy organynyń tájiribelik densaýlyq saqtaý problemalaryna jiti nazar aýdaratynyn bildiredi», - dep tolyqtyrdy ol.
