Almaty halyqaralyq áýejaiynyń aýmaǵyndaǵy qurylys alańynda bolǵan oqiǵaǵa bailanysty jospardan tys tekserý júrgiziledi, dep habarlaidy ult.kz.
Almaty qalasynyń Qala qurylysyn baqylaý basqarmasy buqaralyq aqparat quraldarynda jariialanǵan málimetter negizinde oqiǵanyń mán-jaiyn anyqtaýǵa kirisken.
Aldyn ala málimet boiynsha, 11 maýsym kúni qurylys jumystary kezinde qurylys konstrýktsiialary, naqtyraq aitqanda qubyrlar qulaǵan. Oqiǵa áýejai aýmaǵyndaǵy qurylys alańynda bolǵan.
Qazirgi ýaqytta basqarma qajetti materialdardy jinap, oqiǵaǵa qatysty barlyq derekterdi zerdelep jatyr. Keiin bul qujattar jospardan tys tekserýdi tirkeý úshin prokýratýra organdaryna joldanady.
Vedomstvonyń málimetinshe, tekserý barysynda qurylys normalarynyń saqtalýy, sondai-aq qurylys-montaj jumystarynyń uiymdastyrylýy men júrgizilýiniń zań talaptaryna sáikestigi baǵalanady.
Eger tekserý qorytyndysynda zańnama talaptarynyń buzylǵany anyqtalsa, jaýapty tulǵalarǵa qatysty qoldanystaǵy zańnamaǵa sáikes tiisti sharalar qabyldanady.
Aita keteiik, Almaty halyqaralyq áýejaiynda jańa terminal men infraqurylymdyq nysandardy damytýǵa baǵyttalǵan qurylys jumystary júrgizilip jatyr. Oqiǵanyń naqty sebepteri tekserý nátijesinde belgili bolady.
