الماتى حالىقارالىق ەۋەجايىنىڭ اۋماعىنداعى قۇرىلىس الاڭىندا بولعان وقيعاعا بايلانىستى جوسپاردان تىس تەكسەرۋ جٷرگٸزٸلەدٸ, دەپ حابارلايدى ult.kz.
الماتى قالاسىنىڭ قالا قۇرىلىسىن باقىلاۋ باسقارماسى بۇقارالىق اقپارات قۇرالدارىندا جارييالانعان مەلٸمەتتەر نەگٸزٸندە وقيعانىڭ مەن-جايىن انىقتاۋعا كٸرٸسكەن.
الدىن الا مەلٸمەت بويىنشا, 11 ماۋسىم كٷنٸ قۇرىلىس جۇمىستارى كەزٸندە قۇرىلىس كونسترۋكتسييالارى, ناقتىراق ايتقاندا قۇبىرلار قۇلاعان. وقيعا ەۋەجاي اۋماعىنداعى قۇرىلىس الاڭىندا بولعان.
قازٸرگٸ ۋاقىتتا باسقارما قاجەتتٸ ماتەريالداردى جيناپ, وقيعاعا قاتىستى بارلىق دەرەكتەردٸ زەردەلەپ جاتىر. كەيٸن بۇل قۇجاتتار جوسپاردان تىس تەكسەرۋدٸ تٸركەۋ ٷشٸن پروكۋراتۋرا ورگاندارىنا جولدانادى.
ۆەدومستۆونىڭ مەلٸمەتٸنشە, تەكسەرۋ بارىسىندا قۇرىلىس نورمالارىنىڭ ساقتالۋى, سونداي-اق قۇرىلىس-مونتاج جۇمىستارىنىڭ ۇيىمداستىرىلۋى مەن جٷرگٸزٸلۋٸنٸڭ زاڭ تالاپتارىنا سەيكەستٸگٸ باعالانادى.
ەگەر تەكسەرۋ قورىتىندىسىندا زاڭناما تالاپتارىنىڭ بۇزىلعانى انىقتالسا, جاۋاپتى تۇلعالارعا قاتىستى قولدانىستاعى زاڭناماعا سەيكەس تيٸستٸ شارالار قابىلدانادى.
ايتا كەتەيٸك, الماتى حالىقارالىق ەۋەجايىندا جاڭا تەرمينال مەن ينفراقۇرىلىمدىق نىسانداردى دامىتۋعا باعىتتالعان قۇرىلىس جۇمىستارى جٷرگٸزٸلٸپ جاتىر. وقيعانىڭ ناقتى سەبەپتەرٸ تەكسەرۋ نەتيجەسٸندە بەلگٸلٸ بولادى.
