Naýryzbai aýdanynyń meditsina qyzmetkerlerine josparly túrde 100% ekpe salyndy, dep habarlaidy "Ult aqparat".
Almatydaǵy №36 qalalyq emhananyń bas dárigeri Gúljainat Tilegen atap ótkendei, jalpy Naýryzbai aýdany boiynsha 4 emhananyń 160 meditsina qyzmetkerine ekpe salyndy.
«Onyń ishinde, bizdiń emhanymyzdan 84 qyzmetker bar. Bizdiń barlyq meditsina qyzmetkerleri óz erkimen vaktsina alý týraly ótinish berdi. Egý alar aldynda barlyq qyzmetkerler dárigerdiń tekserisinen ótti. Munda dene qyzýy ólshenedi, epidemiologiialyq anamnezi qaralady, ýytty zattarǵa degen áseri, júrek soǵysynyń jiiligi jáne taǵy basqalary. Eger temperatýrasy 37°S-dan asqan jaǵdaida vaktsina salynbaidy. Bir quty 5 adamǵa arnalǵan. Ekpeden soń qyzmetkerler jarty saǵattyń ishinde arnaiy qarastyrylǵan kabinette áriptesterdiń baqylaýynda bolady. Qazirgi tańda, ekpe alǵandardyń jai-kúii jaqsy, eshqandai janama áser bergen emes», — dep aitty Gúljainat Tilegen.
10 adamnan somatikalyq aýrýlar anyqtalǵandyqtan ekpe salý keiinge shegerildi. Bul qyzmetkerler densaýlyqtary jaqsarǵan soń saldyrady.
