Foto: aikyn.kz
Halyqtyń aitýynsha, búginde ásirese Almatynyń ortalyq bóliginde tynys alý qiyn. Bul týraly Ult.kz informburo.kz-ke silteme jasap habarlaidy.
Kók aspany surlanyp, kúnde tútin basyp qalatyn Almaty álem boiynsha aýasy eń las qala atandy, dep habarlaidy 31 arnanyń Informbiýro aqparattyq baǵdarlamasy.
Shveitsariialyq IQAir kompaniiasynyń sońǵy zertteýi boiynsha, Ońtústik astanamyz Mysyrdyń Kairi men Pákistannyń Lahor shaharyn artta qaldyryp, alǵashqy úshtikte kósh bastady. Kókke taraǵan tútin kólemi "óte ziian" degen deńgeige de jetken.
Halyqtyń aitýynsha, búginde ásirese Almatynyń ortalyq bóliginde tynys alý qiyn. Sózderine sensek, biriniń basy jii aýyryp, ekinshisiniń allergiiasy qozatyn bolypty. Aýanyń lastanýy densaýlyqqa ziian degen kóptiń sózin dárigerler de joqqa shyǵarmady.
"Keiingi ýaqytta bronh demikpesi jáne allergiiasy asqynǵan naýqastar kóbeidi. Qazir bul aýrýlar jastarda jii baiqalyp jatyr. Aýanyń lastanýynyń kesirinen tynys alý músheleriniń derti qozyp jatyr. Tumaýdyń asqynýyna da áser etedi. Azamattarǵa múmkindik bolsa teńiz aýasymen jii tynystaýǵa keńes beremin", – dedi pýlmonolog Sáýle Qasenova.
