Serik Qusaiynov Almaty ákiminiń orynbasary bolyp taǵaiyndaldy. Bul laýazymǵa ol Erlan Qojaǵapanovtyń ornyna keldi. Bul týraly máslihat sessiiasynda qala ákimi Baqytjan Saǵyntaev málim etti, dep habarlaidy "Ult aqparat".
Jańa qyzmetke taǵaiyndalǵanǵa deiin Serik Qusaiynov Almatynyń Almaly aýdanynyń ákimi boldy.
Serik Dosymhanuly Qusaiynov 1964 jyly týǵan, Almaty oblysynyń týmasy.
Qazaq aýyl sharýashylyǵy institýtyn jáne Resei Federatsiiasy Prezidentiniń janyndaǵy Resei halyq sharýashylyǵy jáne memlekettik qyzmet akademiiasyn támamdaǵan.
Memlekettik jáne mýnitsipaldyq basqarý magistri.
Memlekettik basqarý júiesinde edáýir jumys tájiribesi bar.
Ár jyldary Almaty qalasynyń kommýnaldyq sharýashylyq kásiporyndarynda sheber, bas injener, basqarýshy direktor bolyp jumys istegen, qalanyń energetika jáne kommýnaldyq sharýashylyq basqarmasynyń basshysy boldy.
Almaty qalasy ákimi apparatynyń basshysy, Almaly aýdanynyń ákimi bolyp jumys istedi.
