Almaty ákimi Erbolat Dosaev ziialy qaýym ókilderimen kezdesti. Kezdesý barysynda qala basshysy adami kapitaldyń joǵary sapasyn, onyń ishinde Almatynyń ǵylymi, shyǵarmashylyq jáne mádeni áleýetiniń zor ekenin atap ótti, dep habarlaidy "Ult aqparat".
Kezdesýge 40-tan astam óner, mádeniet jáne ǵylym qairatkeri, sonyń ishinde teatr jáne kino, estradalyq jáne halyq mýzykasy, ádebiet, beineleý, monýmenttik jáne qoldanbaly óner, mýzeitaný, sáýlet jáne t.b. ókilderi qatysty.
Almaty ákimi kezdesýge qatysýshylarǵa Qazaqstan mádenietine qosqan úlesteri úshin alǵysyn bildirdi, sondai-aq shyǵarmashylyq ziialy qaýymnyń jastardy adamgershilikke tárbieleýdegi jáne óner men ádebiet arqyly qoǵamǵa joǵary jalpyadamzattyq qundylyqtardy sińirýdegi mańyzdy róli men mańyzyn atap ótti.
Eki saǵattan astam ýaqytqa sozylǵan kezdesý barysynda ziialy qaýym ókilderi óner men ádebiettiń damý deńgeii, shyǵarmashylyq sheberhanalardy uiymdastyrý qajettiligi, dástúrli mýzykany damytý, qala mýzeilerin jańǵyrtý jáne t. b. ózekti máselelerdi kóterdi.
Erbolat Dosaev Almaty elimizdiń mádeni jáne ǵylymi ortalyǵy bolyp tabylatynyn, sondai-aq shyǵarmashylyq jobalardy iske asyrýǵa járdemdesýge jáne jalpy óner men mádenietti damytýǵa kóńil bólýge daiyn ekenin aitty.
Qala ákimi shyǵarmashylyq intelligentsiia ókilderine olardyń ideialary úshin alǵysyn bildirdi, sondai-aq atqarylǵan jumystardyń nátijeleri jáne utymdy pikirlermen almasý úshin osyndai kezdesýlerdi turaqty negizde ótkizýdi usyndy.
