Baqytjan Saǵyntaev ushaq apatynan zardap shekkenderge barlyq qajetti meditsinalyq kómek kórsetýdi tapsyrdy, dep habarlaidy "Ult aqparat".
Almaty ákimi Baqytjan Saǵyntaev qalanyń áýejaiynda bolǵan AN-26 ushaǵy qulaǵan jerge bardy.
Qala basshysy Twitter akkaýntynda jaǵdaidy baqylaýda ustap otyrǵanyn málimdedi.
«AN-26 áskeri ushaǵy qulaǵan jerge bardym. Tiisti qyzmet ókilderine bolǵan oqiǵanyń saldaryn joiýdy tapsyrdym. Qaza bolǵandardyń týystary men jaqyndaryna kóńil aitamyn. Zardap shekkenderge barlyq qajetti meditsinalyq kómek kórsetilýde», - dep jazdy Saǵyntaev.
Eske sala keteiik, búgin Nur-Sultan-Almaty baǵytynda kele jatqan AN-26 áskeri ushaǵy 17.22-de radardan joǵalyp, qala áýejaiy mańynda apatqa ushyrady.
Ushaqta bolǵan 4 adam qaza tapty. 2 adam túrli jaraqattarmen Almaty qalasynyń 4-qalalyq klinikalyq aýrýhanasyna jetkizildi.
