Almaty ákimi Baqytjan Saǵyntaev azamattardy qabyldady, dep habarlaidy "Ult aqparat".
Onlain formatta ótken qabyldaý kezinde qala turǵyndary turǵyn úi qatynastaryna, mádeniet salasyn qoldaýǵa jáne kommýnaldyq sektordy damytýǵa qatysty suraqtar qoidy.
Qabyldaýǵa qatysqandar arasynda jekeshelendirý quqyǵynsyz memleket bólgen jaldamaly páterde turatyn soǵys ardageri Gennadii Vasilevich Novolenov ta boldy.
Onyń ótinishi boiynsha qala ákimi Baqytjan Saǵyntaev turǵyn úi saiasaty basqarmasyna kommýnaldyq qordan jekeshelendirý quqyǵy bar balamaly páter tabýdy tapsyrdy.
Galina Bigeldinovanyń ótinishi boiynsha T. Bigeldinov atyndaǵy halyqaralyq qaiyrymdylyq qoryna qoldaý kórsetý múmkindigi qarastyryldy.
Ý. Muhametqalidiń jobasy – Dalagram qosymshasyn iske asyrý úshin venchýrlik qor tarapynan kómek kórsetýdiń joldary izdestiriledi.
«Sazgen sazy» folklorlyq-etnografiialyq ansambliniń kórkemdik jetekshisi B. Tilegenov biyl 40 jasqa tolatyn ujymnyń shyǵarmashylyǵy, damý kezeńderi men shyǵarmashylyq jobalary týraly aitty.
Almaty ákimniń tapsyrmasy boiynsha qalanyń mádeniet basqarmasy ansambldiń materialdyq-tehnikalyq bazasyn, mýzykalyq aspaptary men kostiýmderin jańartý josparyn ázirleitin boldy.
Energotiimdilik jáne infraqurylymdyq damý basqarmasyna V.Slavikovskiidiń jylý jelileriniń energiia tiimdiligin arttyrý jónindegi usynystaryn qaraý tapsyryldy.
Sonymen qatar, jasyl ekonomika basqarmasy Baqytjan Saǵyntaevtyń tapsyrmasy boiynsha «Atakent» kórme ortalyǵynyń aýmaǵyn keshendi abattandyrý, kógaldandyrý jáne jóndeý boiynsha jospar daiyndaidy.
Ortalyq direktory M. Maqypova kórme sharalaryn ótkizýge ruqsat berýdi ótindi.
Almaty qalasynyń bas memlekettik sanitarlyq dárigeriniń qoldanystaǵy qaýlysyna sáikes «Ashyq» jobasy aiasynda kórme uiymdaryna jumys jasaýǵa ruqsat berilgen.
Tek sanitarlyq-epidemiologiialyq qaýipsizdik talaptaryn saqtai otyryp, «Atakent» qajetti sharalardy ótkize alady.
