Almaty qalasy ákimi apparatynyń basshysy Asat Nurpeiisov máslihat sessiiasynda ákimdiktiń birneshe basqarmalaryn qaita qurý jáne ataýlaryn ózgertýdi usyndy, dep habarlaidy QazAqparat.
«Uiymdarda eńbek zańnamasynyń saqtalýyna memlekettik baqylaýdy qamtamasyz etý, qyzmetkerlerdiń quqyqtary men bostandyqtaryn qorǵaý maqsatynda eńbek inspektsiiasyn bólip, áleýmettik qorǵaý bólimin qaita qurý usynylady. Sondai-aq, fýnktsiialardy Qoǵamdyq damý basqarmasyna bere otyryp, Shyǵarmashylyq indýstriia basqarmasyn Jastar saiasaty máseleleri basqarmasy dep ataý kerek. Bul rette shyǵarmashylyq salalardy damytý fýnktsionaly Kásipkerlik jáne investitsiialar basqarmasyna beriledi, - dedi Asat Nurpeiisov.
Sondai-aq ol biýdjettik josparlaý men ekonomikany damytýdyń tiimdiligin arttyrý maqsatynda jobada strategiia men biýdjet bólimin qarjy bólimi men sharýashylyq bólimine bólý arqyly qaita qurý qarastyrylǵanyn qosty.
«Jobada energiia tiimdiligin arttyrý jáne infraqurylymdy damytý basqarmasyn - Energetika jáne sýmen jabdyqtaý basqarmasy, turǵyn úi saiasaty bólimin - kommýnaldyq infraqurylymdy damytý basqarmasy, jasyl ekonomika bólimin - ekologiia jáne qorshaǵan ortany qorǵaý departamenti, Jaily ortany damytý basqarmasyn - Qurylys basqarmasy, Qoǵamdyq densaýlyq basqarmasyn - Qoǵamdyq densaýlyq saqtaý basqarmasy dep ózgertý kózdelgen», - dedi ol máslihat sessiiasynda.
Barlyq depýtat jobany qoldap daýys berdi.
Almaty qalasyn basqarýdyń jańa qurylymy jobasy maquldandy.
Ózgeristerdi 2022 jyldyń 1 mamyryna deiin engizý josparlanyp otyr.
