Qalalyq máslihattyń ekonomika jáne biýdjet turaqty komissiiasynyń otyrysynda Almaty ákimdigi depýtattardan qalany jańa jylǵa bezendirýge taǵy 429 million 323 myń teńge surady, - dep habarlaidy "Ult aqparat" kaz.tengrinews.kz portalyna silteme jasap.
Almaty qalasy Ekonomika jáne biýdjettik josparlaý basqarmasynyń basshysy Iliias Óserov bul aqshanyń aýdandyq ákimdikterge bólinetinin aitty.
"Biz mádeniet basqarmasyna jańa jyldyq bezendirýge aqsha berip qoidyq. Biraq ol aqsha basqarmadaǵylarǵa jetpei jatyr, sebebi olar qalamyzdyń basty bólikterin bezendiredi. Aýdandaǵylar osy aqshaǵa ózderi magistraldyq kósheler men kópirlerdi bezendirýi kerek. Biryńǵai kontseptsiia bolýy tiis, árine, pishinderi ár túrli bolsa bolady, biraq túster birdei bolýy kerek", - dedi ol.
Otyrys barysynda depýtattar basqarmadaǵylardyń aqsha bólý týraly usynystaryn qabyldady. Sońǵy sheshim Almaty máslihatynyń kezekti sessiiasynda qabyldanady.
