Almaty ákimi Baqytjan Saǵyntaev tiktokerlermen birge tanymal jastar baǵytyn qoldaý men ony damytý máselelerin talqylady, dep habarlaidy "Ult aqparat".
«Kreativti indýstriiany damytý strategiiasy aiasynda daryndy jastardyń ózin-ózi tanytýy úshin jaǵdai jasaityn bolamyz. Almatynyń tórtten bir bóligi 18 jasqa deiingi jastar ekeni belgili. Joǵary oqý oryndarynda 168 myń stýdent, kolledjde 68 myń stýdent bilim alady.
Almatylyq tiktokerlerdiń tabysy — óz aldyna bir bólek áńgime. Bizdegi Haýstar 10 myń adamnyń ishinen búkil álem boiynsha 2-3 oryn alady. Tanymal Tik Tok Haýser tiktokerleri men prodiýserleri tájiribe almasýǵa, damýǵa, sondai-aq jańadan kelgenderdiń shyǵarmashylyǵyn monetizatsiialaýǵa kómektesýge daiyn. Biz óz tarapymyzdan jaily jaǵdai jasaýǵa nemese beinebaian túsirýge yńǵaily oryn usyný boiynsha qoldaý kórsetemiz.
Tanymal Tik Tok juldyzdarynyń qala ómirine atsalysyp, Almatynyń týristik brendin qalyptastyryp, damytýǵa, barsha álemge súiikti qalamyz týraly jar salyp, qalalyq qoǵamdastyqtyń ózekti máselelerin sheshýge kómektesýge daiyn ekendigi qýantady» - dep jazdy Saǵyntaev Instagram paraqshasynda.
