Almaty ákimdigi podezder men aýlalardy dezinfektsiialaý jumystaryn kúsheitpek, dep habarlaidy "Ult aqparat".
Buǵan deiin bul jumysty PIK pen basqarýshy kompaniialar atqaryp kelse, endi 25 naýryzdan bastap turǵyndardyń ótinishine orai karantin rejiminde bul jumystardy ákimdik óz moinyna aldy.
Tótenshe jaǵdai boiynsha qurylǵan jedel shtab osyndai sheshim qabyldady. Endi qaladaǵy 4 myńnan astam aýla men 24 myń podezge sanitarlyq tazalaý jumysy júrgiziledi. Dezinfektsiia jumysyn arnaiy kompaniia aptasyna eki ret bekitilgen kestege sáikes atqarady.
Osy oraida aita ketý kerek, bir kún ishinde qalany túgel qamtý múmkin bolmaityndyqtan, qala aýmaǵy úsh bólikke bólingen.
«Podezderdegi tutqalardy, kirberisterdi jýyp tazalaý PIK tarapynan jasalady. Kez kelgen suraq boiynsha Open Almaty 1308 nómirine habarlasýǵa bolady. Barlyq resmi aqparatty Almaty qalasy ákimdiginiń resmi saitynan jáne áleýmettik paraqshasynan da oqi alasyz. Qosymsha aqparattar Stopcov Almaty Telegram-kanalyna jáne Darmen qosymshasyna jedel jariialanyp otyrady», - dedi ákimdikten.
