Jelide jańadan tóselgen asfalttyń astynda qalyp ketken dóńgelektiń fotosy paida boldy. Bul sýret Aqbulaq yqsham aýdanyndaǵy jol jóndeý jumystarynan keiin túsirilgen, dep habarlaidy QazAqparat.
Almaty qalasy ákimdigi baspasóz qyzmetiniń málimetinshe, yqsham aýdandaǵy kósheniń birine asfalt tóseý kezinde turǵyndar ol jerde metall liýgy baryn habarlaidy. Alaida 0.6 metr tereńdiktegi qudyq jol negizin daiyndaý kezinde baiqalmaǵan.
«Turǵyndar liýk ornalasqan jer belgili bolý úshin ústine dóńgelek qoiǵan. Kelesi kúni ol jer qazyldy. Keiin betondaý men asfalttaý arqyly qajetti deńgeige kóterildi. Qazirgi ýaqytta tehnikalyq qadaǵalaý mamandary men turǵyndar birlesip, basqa da liýkterdi anyqtaý maqsatynda yqsham aýdandaǵy kóshelerdi qarap shyǵýǵa kiristi. Másele baqylaýda», - dep habarlady ákimdikten.
