Beibit miting qaladaǵy Saryarqa kinoteatrynyń artynda ótedi. Buǵan deiin qoǵam belsendisi Álnur Iliashev Almaty qalasynyń ákimdigi onyń beibit miting ótkizý jónindegi aryzyn qanǵattandyrǵany týraly málimdegen bolatyn, – dep habarlaidy Baq.kz.
Qoǵam belsendisi beibit miting ótkizý jóninde 36 ret aryz jazyp, aqyr sońy Almaty politsiia departamentine baryp ózin tutqyndaýdy talap etken. Tutqyndamasa 30 maýsym kúni báribir mitingke shyǵatynyn málimdegen. Politsiia ony keri qaitarǵan. Keiin ol áleýmettik jelidegi paraqshasynda Almaty qalasy ákimdigi 30 maýsym kúni beibit jinalys ótkizý týraly aryzyn qanaǵattandyrǵany týraly jazdy.
Osy beibit miting týraly aqparat alý úshin Almaty qalasy baspasóz qyzmetine habarlasqanymyzda ondaǵylar mitingtiń ótetinin rastady, alaida qandai maqsatta ótetinin bilmeitindikterin aitty.
«Miting ótkizýdi suraǵan jigitke ruqsat berilgenin bilemiz, alaida onyń qandai maqsatta ótetininen habarymyz joq. Beibit miting Saryarqa kinoteatrynyń artyndaǵy gúlzarda saǵat 10.00-12.00 aralyǵynda ótkiziledi» deidi baspasóz qyzmetindegiler.
Álnur Iliashev feisbýktegi óz paraqshasynda beibit sherý jaily jaza otyryp, onyń taqyrybynda kórsetken.
«Beibit mitingtiń taqyryby: Qazaqstan Respýblikasy azamattarynyń beibit mitingi, jinalys ótkizý týraly Konstitýtsiialyq quqyǵyn júzege asyrý nemese beibit sherý jónindegi beibit sherý» dep jazdy ol.
