Almatynyń Bostandyq aýdanynda saiabaqtardy, jaǵalaýlardy, kósheler men aýlalardy keshendi kórkeitý jumystary jalǵasyp jatyr, dep habarlaidy ult.kz.
Iri jobalardyń biri - Tuńǵysh Prezident saiabaǵyn qaita jańǵyrtý. Jumystar kezeń-kezeńimen júrgizilýde, jańartylǵan keńistikti 2027 jyly ashý josparlanǵan. Munda joldar men júrginshiler soqpaqtary, avtomatty sýarý júiesi, sý aidyndary, kireberis bóligi, kolonnada jáne ortalyq alań jańartylyp jatyr.
Flow Park qurylysy aiaqtaldy. Munda skeit-aimaq, pamp-trek, BMX trassalary men velomektep ashylyp, 700-den astam aǵash egildi.
Qazaqfilm shaǵynaýdanynda Qazaqstan kinosynyń tarihyna arnalǵan eldegi alǵashqy kinematografiialyq saiabaqty qurý jumystary bastaldy. Sondai-aq, aýdanda Japon baǵy salynyp jatyr. Onda bambýk toǵaiy, tas baǵy jáne sý nysandary bolady. Negizgi jumystardy 2027 jyly aiaqtaý josparlanǵan.
Magistraldyq kóshelerdi keshendi jańartý, aýlalar men turǵyn úilerdiń qasbetin jóndeý jumystary da jalǵasýda. 2027 jyly jańa aýmaqtardy kórkeitý josparlanyp otyr. Sonyń ishinde Sátbaev jáne Baizaqov kósheleriniń qiylysyndaǵy kópir asty keńistiginde jyl boiy jumys isteitin jastar habyn qurý kózdelgen.
