بەيبٸت ميتينگ قالاداعى سارىارقا كينوتەاترىنىڭ ارتىندا ٶتەدٸ. بۇعان دەيٸن قوعام بەلسەندٸسٸ ەلنۇر يلياشەۆ الماتى قالاسىنىڭ ەكٸمدٸگٸ ونىڭ بەيبٸت ميتينگ ٶتكٸزۋ جٶنٸندەگٸ ارىزىن قانعاتتاندىرعانى تۋرالى مەلٸمدەگەن بولاتىن, – دەپ حابارلايدى Baq.kz.
قوعام بەلسەندٸسٸ بەيبٸت ميتينگ ٶتكٸزۋ جٶنٸندە 36 رەت ارىز جازىپ, اقىر سوڭى الماتى پوليتسييا دەپارتامەنتٸنە بارىپ ٶزٸن تۇتقىنداۋدى تالاپ ەتكەن. تۇتقىنداماسا 30 ماۋسىم كٷنٸ بەرٸبٸر ميتينگكە شىعاتىنىن مەلٸمدەگەن. پوليتسييا ونى كەرٸ قايتارعان. كەيٸن ول ەلەۋمەتتٸك جەلٸدەگٸ پاراقشاسىندا الماتى قالاسى ەكٸمدٸگٸ 30 ماۋسىم كٷنٸ بەيبٸت جينالىس ٶتكٸزۋ تۋرالى ارىزىن قاناعاتتاندىرعانى تۋرالى جازدى.
وسى بەيبٸت ميتينگ تۋرالى اقپارات الۋ ٷشٸن الماتى قالاسى باسپاسٶز قىزمەتٸنە حابارلاسقانىمىزدا ونداعىلار ميتينگتٸڭ ٶتەتٸنٸن راستادى, الايدا قانداي ماقساتتا ٶتەتٸنٸن بٸلمەيتٸندٸكتەرٸن ايتتى.
«ميتينگ ٶتكٸزۋدٸ سۇراعان جٸگٸتكە رۇقسات بەرٸلگەنٸن بٸلەمٸز, الايدا ونىڭ قانداي ماقساتتا ٶتەتٸنٸنەن حابارىمىز جوق. بەيبٸت ميتينگ سارىارقا كينوتەاترىنىڭ ارتىنداعى گٷلزاردا ساعات 10.00-12.00 ارالىعىندا ٶتكٸزٸلەدٸ» دەيدٸ باسپاسٶز قىزمەتٸندەگٸلەر.
ەلنۇر يلياشەۆ فەيسبۋكتەگٸ ٶز پاراقشاسىندا بەيبٸت شەرۋ جايلى جازا وتىرىپ, ونىڭ تاقىرىبىندا كٶرسەتكەن.
«بەيبٸت ميتينگتٸڭ تاقىرىبى: قازاقستان رەسپۋبليكاسى ازاماتتارىنىڭ بەيبٸت ميتينگٸ, جينالىس ٶتكٸزۋ تۋرالى كونستيتۋتسييالىق قۇقىعىن جٷزەگە اسىرۋ نەمەسە بەيبٸت شەرۋ جٶنٸندەگٸ بەيبٸت شەرۋ» دەپ جازدى ول.
