Almaty ákimdigi aǵashtardan túsken qurttarǵa qatysty túsinik berdi, dep habarlaidy "Ult aqparat".
Almatyda 15 sáýirden bastap jasyl jelekterdi ziiankesterge qarsy óńdeý jumystary júrgizilýde. Óńdeýden keiin aǵashtardan qurttar tógildi.
Osyǵan bailanysty Jasyl ekonomika basqarmasy túsinikteme berdi.
«Alańdaýǵa eshqandai negiz joq. Japyraq egeýish qurttar adamdarǵa qaýip tóndirmeidi. Qurttar óńdeýden keiin tórtinshi-besinshi kúnderi ólip qalady»,- dep habarlady basqarmadan.
Basqarma taratqan málimetke sáikes, jumys barysynda Qazaqstanda qoldanýǵa ruqsat etilgen, qaýiptiligi tómen jáne arnaiy sertifikattalǵan preparattar paidalanylady.
«Himiialyq zattarǵa qaraǵanda, mundai biologiialyq qorǵanys zattarynyń basty ereksheligi – olardyń adamdarǵa jáne qorshaǵan ortaǵa ziiany joq. Sonymen qatar, mundai preparattar ziiankesterde táýeldilikti jáne patogendi mikroorganizmderde qarsylyqty týdyrmaidy - olardy kóptegen jyldar boiy, qoldanatyn zattyń tutyný normasyn arttyrmai, tiimdi paidalanýǵa múmkindik beredi», - dep atap ótti qalalyq Jasyl ekonomika basqarmasynan.
