Qazaqstandyq balýan Almat Kebispaev Oslodo ótip jatqan Álem chempionatynyń qola júldesine ie boldy, dep habarlaidy "Ult aqparat".
Norvegiiada ótken kúres túrlerinen álem chempionatynyń sońǵy jarys kúninde Qazaqstan qorjynyna qola medal tústi.
Almat Kebispaev grek-rim kúresinen 67 kelige deiingi salmaq dárejesinde jubanysh beldesýinde Mýrat Firatty (Túrkiia) 7:4 esebimen jeńip, qola júldege ie boldy.
Aldymen tóreshi Kebispaevty parterge jatqyzǵannan keiin túrik balýany 3:0 esebimen alǵa ketken edi. Ekinshi kezeńde Almatqa sondai múmkindik berilgende, ese qaitaryp, esepti 7:4-ke jetkizdi.
Nátijesinde, quramanyń kóshbasshysy álem chempionatynyń bes dúrkin júldegeri atandy.
Aita keterligi, Almat Kebispaev buǵan deiin grek-rim kúresinen álem chempionatynyń bir kúmis jáne úsh qola medalin jeńip alǵan.
