QR Energetika ministri Almasadam Sátqaliev jańartylatyn energiia kózi (JEK) sektoryndaǵy aǵymdaǵy jaǵdai jáne osy saladaǵy josparlar týraly baiandady, dep habarlaidy "Ult aqparat" "QazAqparat" Halyqaralyq agenttigine silteme jasap.
«2023 jyldyń qorytyndysy boiynsha óńirlerdi turaqty elektr energiiasymen qamtamasyz etý 100 paiyz boldy. Qazaqstanda 222 elektr stantsiiasy elektr energiiasyn óndirip jatyr. Onyń ishinde jalpy qýaty 2,8 GVt bolatyn 146 JEK nysany bar. 2023 jyly elektr energiiasyn paidalaný kórsetkishi 115 mlrd kVt/saǵ (2022 jyly 112,9 mlrd kVt/saǵ) deńgeiinde boldy, al elektr energiiasyn óndirý 113 mlrd kVt/saǵ-ty (2022 jyly 112,8 mlrd. kVt/saǵ) qurady. 2024 jylǵa arnalǵan boljamdy generatsiia 115 mlrd kVt/saǵ deńgeiinde josparlanyp otyr», - dedi A.Sátqaliev Senatta «Ornyqty damý maqsattaryn iske asyrý sheńberinde Qazaqstanda balamaly energiia kózderi men jasyl tehnologiialaryn damytý» taqyrybyndaǵy mindetterdiń iske asyrylýyna monitoring júrgizý jónindegi parlamenttik komissiia otyrysynda.
Onyń aitýynsha, jańartylatyn energiia salasynda turaqty ósim bar. 2014 jyldan bastap onyń belgilengen qýaty 16 eseden astam ósti, iaǵni 178 MVt-tan 2023 jyly 2868 MVt-qa deiin.
«2023 jyldyń qorytyndysy boiynsha jańartylatyn energetika obektileri óndirgen elektr energiiasynyń kólemi 6,675 mlrd kVt/saǵ-ty nemese elektr energiiasyn óndirýdiń jalpy kóleminiń 5,92 paiyzyn qurady. Bul rette, iri gidroelektrostantsiialardy qosa alǵanda osy kórsetkish 13,7 paiyzǵa jetedi», - dedi ministr.
2030 jylǵa qarai jańartylatyn energiia kózderiniń 15 paiyzdyq úlesine jáne 2050 jylǵa qarai 50%-dyq úlesine jetkizý maqsaty bekitilgen.
«Qazirgi kezde pysyqtaýdyń túrli satysynda aýqymdy jobalar bar. Jalpy qýaty 5 GVt bolatyn 5 iri JEK jobasyn paidalanýǵa berý 2029-2030 jyldarǵa josparlanǵan», - dedi vedomstvo basshysy.
