Allur qazaqstandyq avtokólik kompaniiasy men jańa energiia kózderindegi intellektýaldy avtokólikterdi óndirýshi Li Auto kompaniiasy Astanada strategiialyq seriktestik týraly kelisimderge qol qoidy.
Kelisim aiasynda Qostanaidaǵy Allur zaýytynda Li Auto avtokólikteriniń seriialyq óndirisi jolǵa qoiylyp, taraptar óndiristi jergilikti naryqqa beiimdeýge baǵyttalǵan uzaq merzimdi yntymaqtastyqty bastaidy.
«Alǵashqy sheteldik óndiristik seriktesti tańdaýǵa asa jaýapkershilikpen qaradyq. Qazaqstan – Li Auto avtokólikteri Qytaidan tys jerde shyǵarylatyn alǵashqy el. Al Allur brendimizdiń óndirisin óz zaýytynda júzege asyratyn álemdegi alǵashqy óndiristik seriktes atanyp otyr. Bul – Li Auto kompaniiasynyń jahandyq damýy men halyqaralyq óndiristik kooperatsiiasynyń jańa kezeńi», – dedi Li Auto kompaniiasynyń halyqaralyq biznes jónindegi basqarýshy direktory Nestor Vý.
Zamanaýi óndiristik infraqurylym, tájiribeli mamandar, sapany baqylaýdyń tiimdi júiesi jáne halyqaralyq avtokólik brendterin jergilikti jerge beiimdeý Allur kompaniiasynyń Li Auto-nyń alǵashqy sheteldik óndiristik seriktesi retinde tańdalýyna negiz boldy.
«Li Auto kompaniiasynyń Qytaidan tys alǵashqy óndiristik seriktesi ataný – biz úshin úlken mártebe ári zor jaýapkershilik. Bizge artylǵan senim úshin áriptesterimizge alǵysymyzdy bildiremiz. Bul eki tarap ta maqtan tutatyn jobanyń bastamasy bolady dep senemiz. Ortaq qundylyqtarǵa, joǵary sapa standarttaryna jáne tutynýshylarǵa ozyq tehnologiialy avtokólikter usynýǵa degen umtylys bizdiń seriktestigimizdiń negizi. Sonymen qatar bul yntymaqtastyq tsifrlandyrý men jasandy intellekt salasyndaǵy zamanaýi tehnologiialardy engizýge jol ashady», – dedi Allur kompaniiasynyń prezidenti Oksana Holstinina.
Jobanyń alǵashqy kezeńinde Li L6, Li L8 jáne Li L9 modelderin shyǵarý josparlanyp otyr. Keiin óndiriletin modelder qataryn keńeitý jáne óndiris kólemin arttyrý kózdelgen.
Bul joba Qazaqstan men Qytai arasyndaǵy ónerkásiptik yntymaqtastyqty jańa deńgeige kóterip, elimizde jańa energiia kózderindegi avtokólikterdi (New Energy Vehicles) óndirý salasynyń damýyna serpin beredi.
Óndiristi iske qosýǵa daiyndyqpen qatar Allur kompaniiasy Qazaqstandaǵy Li Auto resmi dilerlik jelisin keńeitip keledi. Qazirgi tańda brendtiń resmi dilerlik ortalyqtary Astana men Almaty qalalarynda jumys isteidi. Olar avtokólikterdi satý, kepildik jáne servistik qyzmet kórsetýdiń tolyq spektrin usynady. Aldaǵy ýaqytta dilerlik jáne servistik jelini elimizdiń ózge óńirlerinde de damytý josparlanyp otyr.
Kelisimge qol qoiý aiasynda Astanada Li Auto brendiniń jańa avtosalony ashyldy. Aýmaǵy 350 sharshy metrden asatyn Boutique Showroom formatyndaǵy jańa shoýrým premiým deńgeidegi servis, tsifrlyq tehnologiialar jáne árbir klientke jeke qyzmet kórsetý qaǵidatyn biriktiredi. Bul ortalyq Li Auto brendin Qazaqstanda damytý strategiiasynyń mańyzdy bóligine ainalyp, halyqaralyq standarttarǵa sai qyzmet kórsetedi. Dilerlik ortalyq Q. Muhamedhanov kóshesi, 5 mekenjaiynda ornalasqan.
Anyqtama
Allur – Qazaqstan Respýblikasynyń aýmaǵynda avtokólik quraldaryn óndirýmen, distribýtsiialaýmen jáne satýmen ainalysatyn qazaqstandyq avtokólik kompaniiasy. Kompaniia Kia, Chevrolet, JAC, Jetour, Skoda, Geely Galaxy, MG, Soueast jáne GAC álemdik brendteriniń resmi distribiýtory ári dileri. Sondai-aq Qazaqstandaǵy Li Auto brendiniń resmi dileri.
Li Auto – 2015 jyly qurylǵan jańa energiia kózderindegi (New Energy Vehicles) intellektýaldy avtokólikterdi óndiretin qytailyq kompaniia. Kompaniia premiým sanatyndaǵy elektr avtokólikteri men júris qory ulǵaitylǵan (EREV) modelderdi ázirleýge mamandanǵan. Li Auto ziiatkerlik tehnologiialarǵa, qaýipsizdikke jáne jailylyqqa erekshe kóńil bóledi jáne Qytaidaǵy jańa energiia kózderindegi avtokólik naryǵynyń jetekshi óndirýshileriniń biri.
