Allur قازاقستاندىق اۆتوكٶلٸك كومپانيياسى مەن جاڭا ەنەرگييا كٶزدەرٸندەگٸ ينتەللەكتۋالدى اۆتوكٶلٸكتەردٸ ٶندٸرۋشٸ Li Auto كومپانيياسى استانادا ستراتەگييالىق سەرٸكتەستٸك تۋرالى كەلٸسٸمدەرگە قول قويدى.
كەلٸسٸم اياسىندا قوستانايداعى Allur زاۋىتىندا Li Auto اۆتوكٶلٸكتەرٸنٸڭ سەرييالىق ٶندٸرٸسٸ جولعا قويىلىپ, تاراپتار ٶندٸرٸستٸ جەرگٸلٸكتٸ نارىققا بەيٸمدەۋگە باعىتتالعان ۇزاق مەرزٸمدٸ ىنتىماقتاستىقتى باستايدى.
«العاشقى شەتەلدٸك ٶندٸرٸستٸك سەرٸكتەستٸ تاڭداۋعا اسا جاۋاپكەرشٸلٸكپەن قارادىق. قازاقستان – Li Auto اۆتوكٶلٸكتەرٸ قىتايدان تىس جەردە شىعارىلاتىن العاشقى ەل. ال Allur برەندٸمٸزدٸڭ ٶندٸرٸسٸن ٶز زاۋىتىندا جٷزەگە اسىراتىن ەلەمدەگٸ العاشقى ٶندٸرٸستٸك سەرٸكتەس اتانىپ وتىر. بۇل – Li Auto كومپانيياسىنىڭ جاھاندىق دامۋى مەن حالىقارالىق ٶندٸرٸستٸك كووپەراتسيياسىنىڭ جاڭا كەزەڭٸ», – دەدٸ Li Auto كومپانيياسىنىڭ حالىقارالىق بيزنەس جٶنٸندەگٸ باسقارۋشى ديرەكتورى نەستور ۆۋ.
زاماناۋي ٶندٸرٸستٸك ينفراقۇرىلىم, تەجٸريبەلٸ ماماندار, ساپانى باقىلاۋدىڭ تيٸمدٸ جٷيەسٸ جەنە حالىقارالىق اۆتوكٶلٸك برەندتەرٸن جەرگٸلٸكتٸ جەرگە بەيٸمدەۋ Allur كومپانيياسىنىڭ Li Auto-نىڭ العاشقى شەتەلدٸك ٶندٸرٸستٸك سەرٸكتەسٸ رەتٸندە تاڭدالۋىنا نەگٸز بولدى.
«Li Auto كومپانيياسىنىڭ قىتايدان تىس العاشقى ٶندٸرٸستٸك سەرٸكتەسٸ اتانۋ – بٸز ٷشٸن ٷلكەن مەرتەبە ەرٸ زور جاۋاپكەرشٸلٸك. بٸزگە ارتىلعان سەنٸم ٷشٸن ەرٸپتەستەرٸمٸزگە العىسىمىزدى بٸلدٸرەمٸز. بۇل ەكٸ تاراپ تا ماقتان تۇتاتىن جوبانىڭ باستاماسى بولادى دەپ سەنەمٸز. ورتاق قۇندىلىقتارعا, جوعارى ساپا ستاندارتتارىنا جەنە تۇتىنۋشىلارعا وزىق تەحنولوگييالى اۆتوكٶلٸكتەر ۇسىنۋعا دەگەن ۇمتىلىس بٸزدٸڭ سەرٸكتەستٸگٸمٸزدٸڭ نەگٸزٸ. سونىمەن قاتار بۇل ىنتىماقتاستىق تسيفرلاندىرۋ مەن جاساندى ينتەللەكت سالاسىنداعى زاماناۋي تەحنولوگييالاردى ەنگٸزۋگە جول اشادى», – دەدٸ Allur كومپانيياسىنىڭ پرەزيدەنتٸ وكسانا حولستينينا.
جوبانىڭ العاشقى كەزەڭٸندە Li L6, Li L8 جەنە Li L9 مودەلدەرٸن شىعارۋ جوسپارلانىپ وتىر. كەيٸن ٶندٸرٸلەتٸن مودەلدەر قاتارىن كەڭەيتۋ جەنە ٶندٸرٸس كٶلەمٸن ارتتىرۋ كٶزدەلگەن.
بۇل جوبا قازاقستان مەن قىتاي اراسىنداعى ٶنەركەسٸپتٸك ىنتىماقتاستىقتى جاڭا دەڭگەيگە كٶتەرٸپ, ەلٸمٸزدە جاڭا ەنەرگييا كٶزدەرٸندەگٸ اۆتوكٶلٸكتەردٸ (New Energy Vehicles) ٶندٸرۋ سالاسىنىڭ دامۋىنا سەرپٸن بەرەدٸ.
ٶندٸرٸستٸ ٸسكە قوسۋعا دايىندىقپەن قاتار Allur كومپانيياسى قازاقستانداعى Li Auto رەسمي ديلەرلٸك جەلٸسٸن كەڭەيتٸپ كەلەدٸ. قازٸرگٸ تاڭدا برەندتٸڭ رەسمي ديلەرلٸك ورتالىقتارى استانا مەن الماتى قالالارىندا جۇمىس ٸستەيدٸ. ولار اۆتوكٶلٸكتەردٸ ساتۋ, كەپٸلدٸك جەنە سەرۆيستٸك قىزمەت كٶرسەتۋدٸڭ تولىق سپەكترٸن ۇسىنادى. الداعى ۋاقىتتا ديلەرلٸك جەنە سەرۆيستٸك جەلٸنٸ ەلٸمٸزدٸڭ ٶزگە ٶڭٸرلەرٸندە دە دامىتۋ جوسپارلانىپ وتىر.
كەلٸسٸمگە قول قويۋ اياسىندا استانادا Li Auto برەندٸنٸڭ جاڭا اۆتوسالونى اشىلدى. اۋماعى 350 شارشى مەتردەن اساتىن Boutique Showroom فورماتىنداعى جاڭا شوۋرۋم پرەميۋم دەڭگەيدەگٸ سەرۆيس, تسيفرلىق تەحنولوگييالار جەنە ەربٸر كليەنتكە جەكە قىزمەت كٶرسەتۋ قاعيداتىن بٸرٸكتٸرەدٸ. بۇل ورتالىق Li Auto برەندٸن قازاقستاندا دامىتۋ ستراتەگيياسىنىڭ ماڭىزدى بٶلٸگٸنە اينالىپ, حالىقارالىق ستاندارتتارعا ساي قىزمەت كٶرسەتەدٸ. ديلەرلٸك ورتالىق ق. مۇحامەدحانوۆ كٶشەسٸ, 5 مەكەنجايىندا ورنالاسقان.
انىقتاما
Allur – قازاقستان رەسپۋبليكاسىنىڭ اۋماعىندا اۆتوكٶلٸك قۇرالدارىن ٶندٸرۋمەن, ديستريبۋتسييالاۋمەن جەنە ساتۋمەن اينالىساتىن قازاقستاندىق اۆتوكٶلٸك كومپانيياسى. كومپانييا Kia, Chevrolet, JAC, Jetour, Skoda, Geely Galaxy, MG, Soueast جەنە GAC ەلەمدٸك برەندتەرٸنٸڭ رەسمي ديستريبيۋتورى ەرٸ ديلەرٸ. سونداي-اق قازاقستانداعى Li Auto برەندٸنٸڭ رەسمي ديلەرٸ.
Li Auto – 2015 جىلى قۇرىلعان جاڭا ەنەرگييا كٶزدەرٸندەگٸ (New Energy Vehicles) ينتەللەكتۋالدى اۆتوكٶلٸكتەردٸ ٶندٸرەتٸن قىتايلىق كومپانييا. كومپانييا پرەميۋم ساناتىنداعى ەلەكتر اۆتوكٶلٸكتەرٸ مەن جٷرٸس قورى ۇلعايتىلعان (EREV) مودەلدەردٸ ەزٸرلەۋگە ماماندانعان. Li Auto زيياتكەرلٸك تەحنولوگييالارعا, قاۋٸپسٸزدٸككە جەنە جايلىلىققا ەرەكشە كٶڭٸل بٶلەدٸ جەنە قىتايداعى جاڭا ەنەرگييا كٶزدەرٸندەگٸ اۆتوكٶلٸك نارىعىنىڭ جەتەكشٸ ٶندٸرۋشٸلەرٸنٸڭ بٸرٸ.
