Foto: primeminister.kz
Otandyq avtoóndiristegi kóshbasshylardyń biri - Allur kompaniialar toby mashina qurylysyna mamandar daiyndaýmen ainalysyp jatyr. Óndiris orny Qostanai oblysyndaǵy kásiptik oqý oryndarynyń birin qamqorlyǵyna alǵan. Qazir Avtokólik kolledjinde 1300 stýdent bilim alady. Kompaniia birneshe jyldan beri ózderi qurǵan Korporativtik ýniversitette ózderine qajet mamandardy oqytyp shyǵarady.
Allur kompaniialar toby Qostanaidaǵy avtokólik kolledjin jóndeýden ótkizip, tehnikalyq bazany jańartty. Dýaldi oqytýdy uiymdastyrdy. Iaǵni, stýdentter zaýytta tájiribeden ótedi. Keiin osynda jumysqa ornalasady.
"Men buryn osy jerden tájiribeden ótkem. Jumysymdy, adamdarmen tez til tabysatynymdy baiqap, qaita shaqyrdy. Qazir elektr dánekerleýshilerdi oqytyp jatyrmyz. Arasynda oqýdy jańadan bitirgender de, jasy úlken adamdar da bar", - deidi kadrmen jumys jónindegi maman Azat Ábishev.
Allur buǵan qosa taǵy bir jańa jobany qolǵa alyp, bir jyl ishinde qazaq tilindegi mashina jasaý terminderiniń sózdigin jasap shyǵardy.
"Ár sózdi talqylap, aýdarmasy bolsa, aýdardyq. Aýdarmasy bolmasa, qarapaiym tilmen túsindirip, ol sózdiń óndiristegi qoldanysyn anyqtaý úshin ár sóz úshin ofis pen óndiristiń ortasynda júrdik. Engizilgen, aýdarylǵan sózderdi qazaq tobynynyń balalary birden qabyldap aldy", - deidi R and D joba jetekshisi Aigúl Ahmetova.
Mashina jasaý zaýyty ókilderiniń aiýtynsha, qolynan is keletin, eńbekqor jastar aimaqta óte kóp. Olarǵa alǵan bilimin óndiris ornynda ushtastyrýǵa jaǵdai jasalýy tiis.
Aita keteiik, Qazaqstandaǵy mashina jasaý ónerkásibi óndiris kóleminiń, jańa jumys oryndaryn ashý men jalaqynyń ósimi boiynsha kóshbasshylar qatarynda. Qazir respýblikada osy salada 3,5 myń kásiporyn bar. Onda 115 myńnan astam adam jumys isteidi.
