Iá, «Allajar» filmi 1988 jyldan bastap 1996 jylǵa deiin túsirildi. «Bul filmdi «Allajar» dep atamaǵanymda sol kezdegi qiyn-qystaý zamanda taǵdyry basqasha bolatyn edi. Filmdi Alla atymen ataǵandyqtan da, kóptegen qiyndyqtardan aman ótti, – deidi filmniń rejisseri Qaldybai Ábenov. – Ataýyn dini taqyrypta qoiǵanyma narazy bolǵandar tabyldy. Adam balasy qinalǵan kezde Allany eske alyp: «Ia, Alla óziń jar bola kór!» – dep tileidi emes pe? Keshegi Jeltoqsan kóterilisinde Qairat, Lázzat, Erbol, Sábiradai jastarymyz da Alladan medet surady. Filmdi bulai ataýymnyń taǵy bir sebebin aitaiyn. Akterlar qaqaǵan qysta jalań-aiaq oinady. Biraq, bir ǵajaby, eshqaisysy aýyrmaq túgili, birde-bir ret túshkirgen joq. Bul Allanyń jibergen kómegi emei nemene? Taǵy bir qyzyǵy, film sáýir, mamyr ailarynda túsirildi. Al bizge jastardyń qardy jalańaiaq keshetin epizodtary qajet bolatyn. Qudaidyń keremetin qaramaisyz ba, mamyrda qar jaýyp, taǵy da aiymyz ońynan týdy. Mine, osylardy eskere kelip, filmdi «Allajar» dep atadyq.
.jpg)
