اللاجار (فيلمنٸڭ تولىق نۇسقاسى)

يە, «اللاجار» فيلمٸ 1988 جىلدان باستاپ 1996 جىلعا دەيٸن تٷسٸرٸلدٸ. «بۇل فيلمدٸ «اللاجار» دەپ اتاماعانىمدا سول كەزدەگٸ قيىن-قىستاۋ زاماندا تاعدىرى باسقاشا بولاتىن ەدٸ. فيلمدٸ اللا اتىمەن اتاعاندىقتان دا, كٶپتەگەن قيىندىقتاردان امان ٶتتٸ, – دەيدٸ فيلمنٸڭ رەجيسسەرٸ قالدىباي ەبەنوۆ. – اتاۋىن دٸني تاقىرىپتا قويعانىما نارازى بولعاندار تابىلدى. ادام بالاسى قينالعان كەزدە اللانى ەسكە الىپ: «يا, اللا ٶزٸڭ جار بولا كٶر!» – دەپ تٸلەيدٸ ەمەس پە? كەشەگٸ جەلتوقسان كٶتەرٸلٸسٸندە قايرات, لەززات, ەربول, سەبيراداي جاستارىمىز دا اللادان مەدەت سۇرادى. فيلمدٸ بۇلاي اتاۋىمنىڭ تاعى بٸر سەبەبٸن ايتايىن. اكتەرلار قاقاعان قىستا جالاڭ-اياق وينادى. بٸراق, بٸر عاجابى, ەشقايسىسى اۋىرماق تٷگٸلٸ, بٸردە-بٸر رەت تٷشكٸرگەن جوق. بۇل اللانىڭ جٸبەرگەن كٶمەگٸ ەمەي نەمەنە? تاعى بٸر قىزىعى, فيلم سەۋٸر, مامىر ايلارىندا تٷسٸرٸلدٸ. ال بٸزگە جاستاردىڭ قاردى جالاڭاياق كەشەتٸن ەپيزودتارى قاجەت بولاتىن. قۇدايدىڭ كەرەمەتٸن قارامايسىز با, مامىردا قار جاۋىپ, تاعى دا ايىمىز وڭىنان تۋدى. مٸنە, وسىلاردى ەسكەرە كەلٸپ, فيلمدٸ «اللاجار» دەپ اتادىق.