Qaraǵandydaǵy Jambyl atyndaǵy mamandandyrylǵan mektep-internatynyń informatika páni muǵalimi Jarqyn Ádbikárim áleýmettik jelide jariialaǵan daýly jazbasyna bailanysty keshirim surady, dep habarlaidy ult.kz.
Buǵan deiin ustaz Threads jelisinde jekemenshik mektepterde hidjab kiiýge ruqsat berý máselesine qatysty pikir bildirgen. Jazbasynda ol Qazaqstannyń ekonomikalyq turǵyda quldyraýyn tilegen.
«Qazaqtarǵa, Qazaqstanǵa Allanyń myqty bir azaby kerek bolyp tur. Kúshti bir ekonomikalyq zardap shegetin, ekonomikasy quldyrap ketetin. Iá, Alla, kúiretshi! Ámin!» – dep jazǵan muǵalim.
Oqiǵaǵa bailanysty Qaraǵandy qalasynyń jýrnalisi Aisultan Muhamediiaruly ustazben sóilesken.
Jarqyn Ádbikárim jazbasyn keiin óshirgenin aityp, ony ashýǵa berilip, emotsiiamen jazǵanyn túsindirdi.
«Úsh balam bar, kishkentai oqýshy qyzdarym bar. Mektepte hidjab kiiýge bailanysty jazǵan jazbam úshin keshirim suraimyn», – dedi ustaz.
