Biyl da boryshkerden alimentti jyljymaityn múlik nemese kólik esebinen óndirip alý jalǵasady. Bul týraly QR Ádilet ministri Marat Beketaev aitty, dep habarlaidy "Ult aqparat".
«Shynymen de, 2020 jyly aliment boiynsha boryshty jyljymaityn múlik jáne kólik arqyly óndirip alý kórsetkishi 2 ese, keibir kórsetkish boiynsha 2,5 esege deiin ósti. Nelikten mundai jaǵdai oryn aldy? Óitkeni, 2019 jyly birqatar is-shara qabyldadyq. Sol is-sharalar ótken jyly atalǵan kórsetkishterge qol jetkizýge múmkindik berdi. 2019 jyly Ádilet ministrligi, Jeke sot oryndaýshylary palatasy jáne oblystardyń, Nur-Sultan, Almaty, Shymkent qalalarynyń ákimdikterimen úshjaqty memorandýmǵa qol qoiyldy. Atalǵan memorandýmda negizgi eki baǵyt boiynsha belsendi túrde yntymaqtastyqty jolǵa qoiýǵa ýaǵdalastyq. Birinshisi - boryshkerlerdiń qurylǵylaryn anyqtaý, ekinshisi – olardy jaýapkershilikke tartý», - dedi ministr onlain baspasóz máslihaty barysynda.
Onyń atap ótýinshe, boryshkerlerdi taýyp, olardy ákimshilik jaýapkershilikke tartý úshin ishki ister organdarynyń úlken qoldaýy qajet. Mine, osy turǵyda ákimdikter ádilet organdaryna jan-jaqty qoldaý kórsetti.
«Bizde boryshkerlerden borynshy óndirip alýmen qatar ákimshilik jáne qylmystyq jaýapkershilikke tartý kórsetkishi de artty. Bul aqparattardy biz BAQ-ta jariialap otyrdyq. Máselen, ótken jyly Nur-Sultan qalasynda boryshkerden sý jańa Toiota Prado kóligi bereshek úshin óndirip alyndy. Bul jumys jalǵasyn tabady jáne basymdyq sanalady», - dedi Marat Beketaev.
Esterińizge sala ketsek, 2020 jyly aliment tóleýden jaltarǵandardan 76 páter men 62 kólik óndirip alynǵan bolatyn.
